حبوبه انا كنت ادور مثلج ولقيت وحده حاطه معلومات يعني منقول
سوق السبخة
جوار سوق ديرة. الالكترونيات. الفيديو، والأجهزة السمعية، وأنظمة التلفاز، الأجهزة المنزلية ومعدات التصوير كلها تتوافر بأسعار منافسة جداً
,سوق الكرامة
الملابس السبورت الرجالية والنسائية
ويقولون سوق الكرامه وسوق التنين فيهم تقليد ماركات

مراحب اخوي
أقدر أفيدك بسوق الكرامة
أنا رحت له في شهر شوال ألي راح
وهذا بعد توصية من احد سكان دبي بقوله وجود ماركات مقلدة
ولكن عند الذهاب إليه لم أجد اي ماركات مقلدة
وإنما ماركات عادية صينية بسعر رخيص
ولا فيه زود وما يستاهل أنك تروح له
وأحب اوضح لك نقطة وهي التكاسي في منطقته لا تتوفر بسهوله
لأننا جلسنا ما يقارب الساعة ونصف لإنتظار تاكسي وفي الأخير لم نجد سبيل إلا المشي على الأقدام
أنصحك بخصوص الماركات المقلدة بسوق التنين الصيني وسوق أوت لت
وسوق أوت لت راح تحصل ماركات بمعنى الكلمة وليست مقلدة وإنما مخفضه
تحياتي لك اخوي وأتمنى أني أفدتك

والله ماعندي علم
البركه بالاعضاء

مشكورين على المرور بس ممكن اعرف شلون اوصل للمحلات هاذي
يعني مواقعهم بالضبط ....

انا اقولك اخوي ::
أولاً ، لا بد تعرف أن بيع تقليد الماركات يعد جريمة في دبي ، ويعاقب عليها القانون ، فخذ بالك ،، وازيدك من الشعر بيت مهتمين جداً من هذي الناحية ولا مخلين احد يبيع ..
ثانياً : انا شريت قبل سنتين تقريباً تقليد ماركات كيف ؟؟؟؟؟
خلف سوق الذهب فيه سكه تدخلك على مجموعة محلات ،، وقفت السيارة خلف سوق الذهب ورحت امشي انا وزوجتي المهم جانا هاك الهندي وقال انتم من السعودية تبون ماركات ، قلت ليه الدس ، ووين البضاعة ، قال ان التجارة مشددين الرقابة ولا يمكن احد يبيع ماركات ، قلت وينها قال عندي في الشقة فوق قلت وين قال تعال واوريك ، قلت اوكيه ، خليت المره قلت اخاف فيها ان ورحت معاه لحالي ، وفعلا دخلت هالشقة اللي كلها ماركات وفيها كاميرات مراقبة للعمارة للي يدخل واللي يطلع ، وانا وابحلق وكل شي عندهم ، ساعات ، جزم الله يكرمكم ، شنط ، اقلام ، كل شي ، واسعارهم معقولة نوعا ما ،
فإذا شافك سعودي وعائلة جاء وكلمك واذا انت لوحدك ما راح يكلمك ،،

اختي بخصوص سوق الكرامه
كل السوق ماركات مقلده
بناطلين , شنط,اسكارفات, احزمه
بس التقليد ما يعرضونها في المحل لانه ممنوع,,, تقولين حق صاحب المحل ابغي الماركه الفلانيه ,, ويدخلج الاستور,,, طبعاً فيه ناس داخل مب بس انتي
انا ادش محل محل واللي يعبني اشتري يعني مافيه محل معين
والسوق على جانبي شارع الكرامه
والحين ما يستوردون التقليد من الصين اغلبهم من كوريا وشغلهم احلى وانضف من الصين

انا رحت سوق الكرامه واعجبتني مره الشنط التقليد عنده بس مشكلتهم يبون مكاسر لانهم يضربون بالسعر عشوائي كذا !!
بس لو تكاسر وتكاسر وتكاسر ينزلون ماعندهم مشكله لكن قبل خذ لك شي يصحي راسك عشان ماتمل ههه
اعجبني الشنط + ملابس سبورت وتقليدهم فيها على درجات فيه شي حلو وشي اقل من حلو والسعر بين الاثنين يختلف مثل شيرتات لاكوست
رايي بالسوق : حلوه البضاعه + يحتاج راس صاحي عشان تكاسر بالسعر + ويحتاج قوة تحمل عشان الريحه فيه مزعجه كل البياعين ايرانيين ونفسيتهم شوي صعبه يبون طولة بال

يعطيكم العافية
ومشكورين على التفاعل بالموضوع
لاكن المحلات اللي في عجمان ( المصانع ) وش نظامهم يعني احسن من الكرامه او الصيني ؟
احترت صدقوني احترت ....
وعن سوق الكرامه هو بمنطقه اسمها الكرامة ؟
وسوق دير ة يعني المقصود فيه سوق نايف ؟
تحملوني لاكن لا زم نستفيد من الاجازة ,,,, ونسوي جدول رحلة بمساعدكم

هلا اختي الكريمه
لا تحتارين ولا شي
انتي شو تبين من التقليد؟ ملابس ولا شنط واحذيه؟؟
مصانع عجمان ما عندهم تقليد الماركات العالميه .. مصانع عجمان عندهم ملابس الماركات مثل مانقو وزارا وبرمود وهالسوالف وبجامات بس مشكلتهم ان منطقة المصانع كبيره وتضيعين وانتي تدورين
بالنسبه للكرامه .. كلها ماركات مقلده بس في استور المحلات وعندهم (شنط واحذيه وساعات ونظارات واحزمه وملفات ) ماركات عالميه بس انصحج بالبضاعه الكوريه احلى من الصيني
وعندهم بناطلين جنز روعه بعد ماركات تقليد وجاكيتات ماركات تقليد
ما ادري انا عن نفسي افضل سوق الكرامه,, والكرامه اسم منطقه معروفه
وهذا موقعهم
http://www.wikimapia.org/
شوفي السوق على جانبي الطريق
ولا تحتارين روحي سوق الكرامه ومصانع عجمان
اما عن سوق ديره هو يتكون من عدة اسواق مب بس نايف بس كلها عدال بعض
مثل السبخة وسوق مرشد ونايف