ابن الرفاع
26-02-2022 - 05:03 pm
السلام عليكم ورحمه الله وبركاته
كيف حالكم ياجماعه الخير .. عساكم بخير وصحه
انا ياجماعه بحط بين ايديكم خطه سفرتي بشكل كامل وابي من الاخوان الي عنده مشوره لي بتغيير فندق او تعديل خط السير او اي اجراء لايتردد فيها عشان اقدر اعدلها قبل لا احجز ..
بتكون الرحله بمشيئه الله من تاريخ 31/10/2010 الي 21/11/2010 عن طريق الخطوط الأماراتيه .. وراح تكون على النحو التالي ..
لوس آنجلوس ست ليالي في فندق royal palace westwood hotel
ومن ثم الي لاس فيغاس بالسياره لمده ثلاث ليالي في فندق paris las vegas
ثم الي اورلاندوا عن طريق الطيران الداخلي لمده سبع ليالي في فندق ramada orlando international drive lakefont
واخر محطه وهي نيويورك عن طريق الطيران الداخلي والجلوس فيها ثلاث ليالي في فندق hotel 41 attimes square
هذا هو مخطط الرحله بالكامل .. وعندي كمل سؤال بعد
1- هل ااجر السياره في لوس انجلوس طول فتره جلوسي فيها ولا بس اخر يوم عشان اروح فيها فيغاس ؟ وهل احتاج لسياره في فيغاس ولا اسلمها اول ما اوصل ؟
2- كم المصروف الي تحتاجه السفره مصروف يد فقط بدون شوبنق وبدون مصاريف الفنادق والتذاكر ؟
3- الطيران الداخلي احجزه الحين بنفس الوقت ولا اخليه وقتها من هناك ؟ وايهم افضل امريكان اير ويس ولا جت بلو ؟
هذي معظم استفساراتي واتمني تعذروني لاني بتعبكم معي شوي لان هذي اول سفره لي لبلاد العم سام وابي ارتبها صح عشان استانس فيها ..
ومشكورين مقدمآ ..
2. كل شخصين عاقلين تقريباً 200$ في اليوم !! وتعتمد على صرفكم !!
3. الطيرام من الان علشان يكون ارخص !! الخطوط كثيرة ادخلوا على موقع اكسبيديا وقارنوا بين الاسعار هناك والوقت !!
بالتوفيق