هلا وغلا بكل الحبايب أعضاء المنتدى الرائع.. بصراحة أنا متردد حاليا كثير ,, والسبب يرجع إلى أني محتار في الابتعاث وعلشان تستوبعون معي وش القصة خلوني أقص لكم قصتي باختصار ,, انا كنت طالب بجامعة الملك سعود بكلية الحاسب ومكثت فيها ثلاث سنوات ونص وبعدين تركتها,بصراحة اهتزيت نفسيا ولا ارتحت ابدا لهالجامعة,, المهم أول ماتركت الجامعة ضاق صدري من جد ولكن الحمد لله بتوفيق ربي أولا ومن ثم دعوات الوالده وتشجيع زملائي سجلت بكلية الاتصالات والمعلومات بقسم الحاسب - تخصص برمجه,, وكلي إصرار وعزيمة إني أطوي صفحة الماضي وابدا صفحة جديدة , تخرجت والفضل لربي بعد سنتين ونص والحمد لله كنت الأول على الدفعة وكان تقديري امتياز مع مرتبة الشرف الاولى,, طموحي ماوقف لهالحد, وكنت عازم إني أواصل مشواري , قدمت على البكالريوس بالكلية التقنية وقبلوني وخلصت فصل دراسي واحد وباقي لي سنتين, المهم ياجماعة كان فيه هواية تزاحم حبي للكمبيوتر ويمكن استحوذت على اهتمامي اكثر ,, اللي هي الاعلام والتلفزيون, أخذت دورات كثيرة في إعداد وتقديم البرامج التلفزيونية, واشتغلت بشركة انتاج اعلامي بدوام مسائي, وقدمت على التلفزيون وقبلوني مذيع والحمد لله, وصرت متعاون بالتلفزيون إضافة إلى دراستي بالصباح وشغلي بالشركة اللي متعاونين معي ومقدرين,
معاليش دخلتكم معي بدوامة,, وبصراحة أنا ما أبي أشتتكم معي ,, بس أنا من زمان وقلبي على الابتعاث لأمريكا وماصدقت خبر يوم سمعت عن التقديم وقدمت أوراقي وأنا حاليا بانتظار الضمان المالي علشان اقدم على الجامعات,,,, وبصراحة ابي مساعدتكم لي بآراؤكم السديدة ومشورتكم لأني من جد محتاج من يرشدني في هالموضوع ,, بس مكمن ترددي في الأمور التالية:
- هل يمكن أكمل بكالريوس في الاعلام وأنا تخصصي حاسب؟
- ولو كان مايمكن وش التخصص اللي تنصحوني فيه (تجارة الكترونية أو MIS أو computer scince ) أو أي تخصص تقترحونه علي, مع ملاحظة إني مبتعد شوي عن أجواء الحاسب لانشغالي بالتلفزون؟
- وش لون أقدم على الجامعات وإيش هي افضل الولايات المناسبة من حيث المعيشة , الأجواء, الأمان,, وهل يمكن أحد منكم الله يخليكم يساعدني في التقديم أو يدلني على أي مركز أو أحد يفيدني؟
معاليش... كثرت عليكم وازعجتكم,, بس لولا أملي إني بألقى عندكم الجواب الشافي وإن صدوركم بتتسع لي كان ماقلت لكم هالكلام,,, وبانتظار ردودكم وآراؤكم,, واللي بياعدني بأطلعه بالتلفزيون (أمزح معكم),, مشكورين وماقصرتم مقدما وبانتظار ردودكم.
انا ميولي إداريه لكني تخصصت كيمياء صناعيه (دبلوم من كليه الجبيل الصناعيه) والحمد لله تخرجت بتفوق والحين اشتغل بمركز ابحاث وتطوير حق شركة مرموقه بالمملكه هنا والكل يشير بجدي واجتهداي لكني اكره الكيمياء كره ما يعلم فيه الا الله سبحانه. يوم جت البعثات صرت محتار اكمل كيمياء او ادرس تخصص انا احبه. سويت مقارنه اذا بكمل كيمياء سنتين وانا خالص + الخبره اللي عندي + ان صار عندي شبكه معارف بالشركات الصناعيه راح تسهل عمليه توظيفي لو رجعت وبشكل كبير. واذا درست تخصص انا احبه راح ابداء كل شي من جديد (الدبلوم اللي معاي والخبره ابلهم واشرب مويتهم) وراح ياخذ مني الموضوع لا يقل عن خمس سنين.
انا من جد متردد مثلك..؟؟!!
وحاولت استشير اغلب الناس نصحوني ان اكمل بنفس مجال تخصصي وخصوصا ان اذا معاي بكالوريوس بعد كم سنه راح يتحول مجال عملي لاداري ولا ادري وش بسوي؟؟