كلهم جيدين ومناسبين
مع ترشيحي للاول

عليكم السلام ورحمة الله
ان كنت تبحث عن الهدوء فانصحك بالثالث

الله يعطيكم العافية اخوي ابوعمر و اخوي khaled_dashti وعندي استفسار عن تاجير السيارة وش رايكم اخذ gps مع السيارة او اشتري

يالغالي أغلب السيارات فيها جي بي اس ولكن يفضل انك تشتري واحد لتخزن فيه كل المناطق والاماكن الترفيهية والاسواق اللي تبيها وجميع الاحداثيات عشان لا تتعب بالبحث وانت مسافر
اي خدمة أو استفسار احنا بالخدمة

هالموقع ممتاز جدا تشوف الغرف على طبيعتها من تصوير النزلاء وتقييم كل واحد http://www.tripadvisor.com

ما قصرتوا الله يعطيكم العافية khaled_dashti و سيف_الامارات عندي سؤال كيف اخزن المواقع فيgps ومن وين اجيب الاحدثيات
تحياتي

يالغالي في موضوع مثبت للطريقة والله مو لاقيه بحاول ابحث عنه وان شاء الله الاخوان ما يقصرون بالمساعده

عفووا اخوي ازعاجتك على كثر الاسئلة وعندي بعد كم سؤال لوسمحت انا بيكون وصولي في 1/7 ميونخ الساعة عشر بالليل وباجرة سيارة وبروح قارمش الى تاريخ 5/7 بعد كذا ما ادري وين اروح وش رايك اي مدينة ازور الى تاريخ 9/7 وبعدها برجع ميونخ الى تاريخ 12/7 الرجوع الى الوطن

هلا فيك يالغالي احنا بالخدمة
اولا وصولك بساعة متأخرة وانطلاقك الى غارمش يعتبر خطأ اولا اوروبا كل شوارعها مظلمة بالليل والطريق بعضه فيه منحنيات وخاصة القريب من غارمش واحسب حساب ممكن يكون في مطر أو تتعطل لا سمح الله .. فيفضل انك تغير رحلتك ويكون الوصول صباحا أو انك تسكن بميونخ للصباح وبعدها تروح غارمش
أما المدن القريبة من غارمش تقدر تزور Seefeld .. innsbruck بيوم واحد وعندك BadTolz وتقدر تطلع من الصبح الى Lindau فيها جلسات حلوه وبحيرة تجمع الحدود بين ألمانيا والنمسا وسويسرا وعندك ايضا Fussen قريبة من غارمش وبحيرتها جميلة جدا وفيها فعاليات حلوة
لا تتردد لأي استفسار