وعليكم السلام ورحمة الله وبركاته
اخوي مافيه شي يجي بالسهل لازم من الجد والاجتهاد
جميع تخصصات الهندسة ممتازة بس انت شوف ايش اللي تميل له
بس مثل ماقلت لك ماهو المهم التخصص المهم انك تبدع في تخصصك ايا كان
اللي اعرفه انك تدرس اربع سنين من غير اللغة ( يمكن تاخذ 9 اشهر في اللغة )
على العموم اجتهد واعلم بانه لكل مجتهد نصيب
الله يوفقك

الله يعينك
انا بدخل هندسة بترولية
واعجبتني
ولكن ما باليد حيله
وانصحك البحث
وانت درجتك جيده جدا جدا جدا
والله يعينك في البحث

اخوي مافي شيء سهل
وخاصه انك تدرس بكندا والدراسه عندهم مو مثل عندنا شغل ملخصات
لكن اذا اجتهدت كل شيء سهل حتى الصعب راح يكون سهل
واذا تبي نصيحتي انت روح خذ لغه اول شيء بعدين راح تنفتح مجالات قدامك كثير والتخصص اللي يعجبك خشه
والهندسه الكيميائيه تخصص جدا حلو
والله يوفقك

السلام عليكم و رحمة الله و بركاته ,,,,, هذا أولا ,,,
ثانيا ,,, أنت اللي تحدد السهل من الصعب لنفسك ,,, اول ما بديت تعلم السواقة كانت صعبة ,, هالحين سهلة ,,, ليش؟ لانك انت اللي قلبتها من صعبة الى سهلة ,, هذا مثال فقط ,,
ثالثا ,, باكون صريح معك ,, معدلك في الثانوي ما يحمس نوعا ما ,, لكن أعجبتني كلمتك ,,, فيه نية دراسة و شدة حيل ,, هذي تقلب الموازين ,,
أيام البكالوريس ,, كان من زملائي ناس معدلاتهم في ال 90 و ناس في ال80 ,, و كنا في جامعة الملك فهد للبترول و المعادن ,, و كان من اللي معدلاتهم في ال 80 افضل و احسن بكثير من اللي في ال90 ,,
حياة الجامعة غير ,, و انت اللي تحدد ,,, لكن ليست صعبة و ربي ,, المسألة مسألة تعود ,, عود نفسك على المذاكرة و الجد و الاجتهاد ,, و ابشر باللي يسرك ,, بتعتمد على معدل الثانوي و اني جايب 99 و انا ذكي و بس ,, بتجيب العيد ,,
باختصار ,,, معدلك ليس مشكلة ,, اذا كنت متحمس و عندك النية ان تصبح ,,, باش مهندس ,,,
رابعا ,,, مدة دراسة الهندسة عموما 5 سنوات ,, سنة تحضيرية (هذا في السعودية و تكون لغة في الخارج) و 4 سنوات الهندسة نفسها ,, غالبا جميع التخصصات نفس المدة ,,, قد تطول او تقصر حسب جدك واجتهادك ,, نسبة كبيرة من الطلاب يتأخرون بقصل دراسي واحد ,, هذا ما لاحظته ,,
خامسا ,, أي هندسة ؟؟ كيميائية - كهربائية - ميكانيكية - نظم - كمبيوتر - بترول - معمارية ومدنية - ام
هذي ترجع لك انت .... لازم اول شئ تشوف كل تخصص وش يدرسون وش تفرعاته و وش يشتغلون بعدين ,,
لكن هناك بعض الشغلات اللي ممكن تساعدك تحدد: مثلا ,, اذا كنت تحب الكيمياء و الفيزياء الكيميائية فعندك عن الكيميائية ,,, اذا كنت تحب الرياضيات و الفيزياء الكهربائية مثل كرشوف و اوم و سوالفهم فعندك الكهربائية ,, اذا انت معجب بنيوتن و قوانينه حقت الحركة و تحب قوانين الضغط و الحرارة و ما شابه ذلك فعندك الميكانيكية ,,, اذا الجيولوجيا داخلة مزاجك وتحب تلعب بالطين واجد شف هندسة البترول ,, اذا جربت تشوف بيت يبنى و شفت وشلون النجار و الحداد يحسبون القواعد و الاعمدة و حساباتها و شغلات تصميم البيوت و تحب الرسوم هذي فعندك المعمارية و المدنية ,, و هكذا
سادسا ,,, أنا مهندس كهربائي ,, و حاليا ادرس الماستر ,, و عندي اعتقاد و قد يخالفني فيه غيري ,, أن افضل مجالات الهندسة هي الكهربائية ,, و المهندس الكهربائي هو الوحيد اللي يفهم في شغلات المهندسين الاخرين ,, لان مجاله يتداخل كثيرا مع غيره ,, و خصوصا الكمبيوتر و الميكانيكية ,, و لذلك تجد المهندسين الكهربائيين هم ابدع المهندسين في البرمجة مثلا ,, و لكن هي اصعب من غيرها ,,,
سابعا ,,, احس اني طولت ,,,
ثامنا ,,, اذا بغيت شئ ثاني ,, آمرني ,,
تاسعا ,,, بالتوفيق ,,

اهلين وسهلين
wooden
محمد أبو شملان
جبرني زماني
مشكوررين والله ما قصرتو قدا قداا والله يعطيكم الف عافيه
عزيز نفس
وعليكم السلام ورحمة الله وبركاته
والله ان ردك لي رفع معنوياتي وحطمني بنفس الوقت
اكيد راح تسأل كيف...وليش....؟
انا اقولك
انا طال عمرك رايح لكندا بأذن واحد احد وامس قدمت للفيزاء وان شاء الله تساهيل
الموهيم
انا كنت ناوي ادخل تخصص بكالريوس انقلش
بس اخوي يقول ما دام انك رايح تدرس برا ادخل تخصص زين
وولد خالي يدرس في بريطانيا وتخصص هندسه كيميائيه اذا مو ملخبط
عشان كذا قلت يمكن ادخل الهندسه الكيميائيه
بمعنى ....
انا ما ودي اطلع ادرس بكندا ومدري كم سنه وآخرتها بكالريوس انقلش
ودي ادخل تخصص حلو
مثلا هندسه كيميائيه او اي هندسه حلوة
الزبدة يالغالي انا ابي الشهادة عشان كلية الملك فهد الأمنيه
يعني مو حبا بالهندسه بس مثل ما قلتلك ما ودي الا بالشهادة الزينه ^^

يا الربع والله محتاج اراأكم

الكنداوي
سؤال,,,
اذا هدفك النجمة و كلية الملك فهد الأمنية ,,وش لك بالعنا و الدراسة برا؟؟؟؟
ليش ماتروح جامعة الملك سعود عندك هنا و انتهينا,, الهندسة اذا مانت هاويها بتتعب فيها,,,
و أتوقع ,,,مجرد توقع شخصي,, أنك لو درست برا بتغير رايك عن العسكرية,,,

عزيز نفس
يعلم الله انك ما قصرت والله يعطيك الف عافيه
بس انا بعلمك....
انا دخلت براسي الدراسه براء وضبط كل شئ وباقي الفيزاء ان شاء الله الاسبوع الجاي بتكون عندي بأذن واحد احد
وما اتوقع لو ادرس في غير المدينة بركز على الدراسه وانا اصلا كاره الدراسه برا المدينه
اما عن كندا فا مثل ما قلتلك حلم وان شاء الله بيتحقق يا رب .....
يمكن واكيد مثل ما تقول الهندسه صعبة بس لو بذاكر كل يوم ساعتين او ثلاثه بمشي بتوفيق الله
ويمكن ادخل تخصص انقلش واكمل الماجستير

الكنداوي
باسمك اللهم الرحمن الرحيم أبدأ ,,,
أقول و بالله التوفيق,,,
أولا,,, أسأل الله العظيم أن يحقق لك أحلامك كلها ,,,
ثانيا,,, الهندسة عموما ليست مجرد فيزياء و كيمياء ,,, هذه العلوم تستخدم كأدوات للهندسة ,, أقرب مثال لها شنطة العدة حقت الفني ,, المهندس اذا واجهته مشكلة فتح شنطة العدة و جاب تكامل و لا تفاضل و لا قانون هوك ولا معادلة توازن كيميائي و حل فيها مشكلته ,,
فعندما أقول وش تحب فيزياء ولا رياضيات ولا كيمياء ,,, هذه طريقة أحاول اني اقول وش اكثر الادوات المستخدمة في ذلك التخصص ,,,
عموما اذا اذا انت ما تحب الفيزياء و الرياضيات ,, ابعد عن الهندسة الكهربائية (علما انها تخصصي و عشقي :106 و ابعد عن الهندسة ميكانيكية ,,,, و الهندسة الكيميائية فيها فيزياء بعد ,,,
شف هندسة الحاسب الالي ,,, بس لازم تكون متابع اول باول لتطورات الحاسب ,, عندك ايضا هندسة البترول اذا انت تحب شغلات الجيولوجيا ,,,
بالنسبة لمواد التخصص ,,, ماعندي مانع اجيب وش المواد اللي بتدرسها و اترجمها لك بعد ,, بس اول شي حدد وش التخصص لانه صعب احط لك كل التخصصات ,,
سؤال داخل في نص الموضوع ,,
أنت وين جاي في كندا بالضبط؟
أنت تبع البعثة و لا تبي تقدم من هنا؟
بالتوفيق,,,