من شروط السفر للسعودي يكون عمره اكثر من 21 سنه..او يكون معاه تصريح من ولي امره...
لابد ان يكون معاك التصريح ..سواء يروح معاك الوالد الله يخليه لك للجوازات او يوكلك او يوكل احد اخوانك الكبار لاعطاءك التصريح اللازم بس حاول تكون مدة التصريح نفس مدة سريان الجواز ....
بس انا مافهمت وش قصدك يوم تقول بلغ من الكبر عتيا هل المساله تريقه او بلاغه باللغه ...
انتظر ردك اذا ماعليك كلافه ....

فهد سلامه
بارك الله فيك على المرور
وأقصد انه من المشقة عليه أن يذهب معي للجوازات
وأنا في منطقة وهو في منطقة أخرى
وصعبة أني أتصل به وأقول تعال عندنا عشان التصريح
أشكرك على المرور

حتى لو كان الوالد بمنطقه غير ممكن يراجع اقرب مكتب جوازات او شرطه في محل اقامته ويرسل لك موافقه بالفاكس في الاداره اللي تراجعها في مكان اقامتك سواء مطار او جوازات منطقه

بصراحه اخوي ما اعرف
نحنا ماعندنا اي شروط للسفر
وانتو ماشاء الله كبار مااتصور ان لسفركم يحتاج لتصريح من ولي الامر
الله يخلي لك الوالد كلمه انك بتسافر اذا قدر بيسوي لك التصريح يعني يقدر يوكل اي شخص يسوي لك التصريح ويرسلونه لك وتسافر قريب
الولد اللي يكمل سنه في اعتقادي شاب ويقدر يشتغل ويسافر بدون ولي امر

هلا وغلا اخوي محمد ..
انا الأن راجعت موقع المديريه العامه للجوازات وشفت شروط إستخراج الجواز وهذا أحد شروطها
بخصوص إستفسارك عن حضور والدك للجوازات أو لا يلزم حضوره ::
8- الأشخاص الذين تقل أعمارهم عن (21) عاماً يتطلب حضور ولي الأمر لموافقته على إصدار الجواز أو إحضار وكالة شرعية للوكيل .
وإللي سمعته إن السفر للإمارات بالهويه الوطنيه مسموح ولكن لابد من وجود جواز سفر ساري المفعول
لان احد أقاربي يقول في المنفذ رجعوا زميله لانهم لاحظوا في الجهاز إن جوازه منتهي وهو كان يحمل الهويه الوطنيه وجوازه ماكان معه.. هذي للمعلوميه فقط والله أعلم..
تحياتي لك

بسم الله الرحمن الرحيم
السلام عليكم و رحمة الله و بركاته
بس حبيت أوضح بعض الإستفسارات .... منعاً للبس و للتوضيح
بالنسبة للسفر ببطاقة الهوية الوطنية ..... مسموح فيه و بكل بساطة .... أنا أمس خرجت من منفذ البطحاء السعودي بالهوية الوطنية و سألت العسكري وش تبي الجواز أو البطاقة .؟؟ قال اللى تبي أنت كلها مقبولة ...و عطيته البطاقة و مشت الأمور ...
في منفذ الغوبفات الإماراتي ... عطيتهم البطاقة و لا قالوا شئ.....
التصريح إلزامي للسفر لمن هم أقل من 21 سنة ولو بيوم واحد من واقع تجربة ...ولدي عمره 20 سنه و 10 شهور باقي شهرين و يكمل 21 سنه راجعت الجوازات أجدد جوازات العائلة إلا ولدي الكبير علشان الصور و بعد ما خلصت سألت العسكري هل ولدي يقدر يراجع علشان يطلع جواز ؟؟ قال لازم 21 سنه .. قلت طيب باقي له تقريباً شهرين و يكمل 21 ... قال لو باقي يوم ما نطلع له إلا بحضورك أو أنت تراجع !!!