أنا وزوجي أمس رجعنا من دبي وكنا ماخذين ستوديو روعة في ميديا سيتي قريب جدا من مارينا وجميرا ومول الامارات ... أفضل موقع بالنسبة لي في حدود الميزانية .... اسمه جراند ميدويست تاور والفندق جديد ومنزل أسعاره عشان يكسب شعبية وتسويق.
اذا كنت تبغى سعر مناسب روح احجز عليه من بوكنج دوت كوم .... ترا الغرف حلوة جدا وواسعة

لونوتر احنا اليوم بنطلع من قراند بليز اسعفني برقمهم

عندك السلوان وشقق المارينا قريبه من المارينا

الرقم مو عندي الآن بس تقدري يانوف تتصلي على 181 من جوالك وتطلبي جراند ميد ويست تاور ميديا سيتي ... اتصلي عليهم واطلبي مدير الحجز اسمه رايموند وقوليله أبغى آخذ نفس السعر اللي أخذه الزوج وزوجته السعوديين اللي من جدة ... بس ترا الشقق مليانه وان شاء الله تلاقي ... بس مرة حلوة .... احنا كنا دافعين 340 في الاستوديو عن طريق بوكنج دوت كوم ... والاستوديو يجنن ومرة حلو ومريح

ياليت تنزلين الصور
مشكوره قلبي

هذا الاستوديو حقنا بس ماأعرف كيف شكل الشقق اللي أكبر ، ورا الستارة فيه بلكونة على شارع الشيخ زايد وكنا في الدور ال17 أما الشقق الأكبر فتلاقيها تفتح على ناحية نخلة جميرا وبرج العرب يعني منظر حلو
قدام السوفا فيه شاشة إل سي دي بمية قناة ومن مكان التصوير عدد اثنين كراسي على بار المطبخ ... المطبخ مجهز بكل الأدوات وتحت البار في دولاب تلاقي فيه الغسالة (وتنشف) ... قدام السرير التسريحة الصغيرة وجنبها الدواليب وجوا الدولاب طاولة المكواة والخزنة ... الحمام صغير شوية بس ممتاز
أحلى مافيها المساحات الواسعة والفرش الجديد والألوان اللي تفتح النفس ... والموقع قبلها طبعا .... الهاوس كيبنج جدا ممتاز والنظافة عال العال
المطعم اللي في الدور الأول ممتاز جدا بس زوجي ماعجبه المعسل حقهم ههه ... مطعمهم غالي شوية بس الله يخلي مطبخي أسوي أحسن منهم ههه

شكرا جزيلا يالونوتر الله يجزاك خير على تفاعلك وفي ميزان حسناتك ان شاء الله