مرحبا اخوي
في البداية تتجة الى الرياض وراح يكون الطريق على النحو التالي
على الطريق السريع مابين جدة والرياض وهو كالتي :
(جدة مروراً بمكة ثم الطائف ثم حلبان ثم القويعية وصولاً الى الرياض) وتقريبا المسافة 950 كلم
بعد وصولك الى الرياض اسئل اي واحد تواجهة في الرياض كيف اروح للخرج واذا وصفلك الطريق اول ماتطلع من الرياض متجة الى الخرج قبل وصولك للخرج تشوف لوحة مكتوب عليها اتجة للمدينة العسكرية وحرض اخذ المخرج وراح تكون وجهتك لحرض واتبع اللوحات الارشادية حتى توصل حرض وبعدها كمل سيدة الى ان توصل الى منفذ البطحا اللي هو المنفذ السعودي والامارات يسمونة الغويفات وطول هذا الطريق من الرياض الى المنفذ 500 كلم ختم جوازك وعلطول سيدة حتى توصل دبي يعني الطريق يدخلك فيها وطولة 500 كلم يعني مجموع المسافة 1950 كلم والله يعينك عليها
اتمنى اني افدتك

من بعد الرياض تتجه الى الاحساء بعد ماتدخل الاحساء اسئل عن طريق قطر
وتمشي مسافه 130 كيلو ويجيك مخرج يمين الامارات وسيدا قطر
بعد ماتاخذ اليمين هذا هو طريق الامارات ومنفذ البطحاء

الطريق الذي ذكره الأخ ناصر مختصر
من الرياض إلى الحدود عبر الخرج وحرض ثم البطحاء
لكن انتبه من طريق حرض في الإتجاه نحو الحدود فهو سيء نوعا ما وتزحف الرمال نحو الشارع ..

الافضل من خلال تجربة شخصية لي .. بعد ماتوصل الرياض اتجه للشرقية مع الطريق السريع .. بعد تقريبا 230 كلم تجيك
لوحة الامارات وقطر والهفوف يمين .. وهو معروف بأسم طريق الاحساء اطلع معه .. لين توصل الاحساء 100 كلم
ثم مباشرة تطلع على طريق سلوى وتلف قبل توصل منفذ قطر يمين الى الامارات .. وهو افضل من طريق حرض الذي انصحك لوجه الله ان تبتعد عنه لأنه طريق خطر جدا .. والفرق بينه وبين الخط الثاني مايجي 100 كلم بالكثير ويمكن اقل بكثير
والثاني كله سريع ومريح وبرضة مش طويل
اتمنى لك السلامة

ماودك تروح بالطياره اريح لك ..؟
نصيحه اذا كان لازم تروح بالسياره ..
اشحن سيارتك للاحساء واطلع بالطياره الى الهفوف وخذ سيارتك من هناك وكمل طريقك ..
المسافه طويله جدا والله يعينك

الله يجزاكم خير الجزاء
افدتوني للامانة