غريبه محد يعرف يجاوب
ثنكيو للكل

يا الله فال مبارك ... يا خوك ... تفائل بالخير
و إن شاء الله تروح و ترجع و ما تتعطل عليك السيارة " و بعدين أكيد فيه حلول... على الطريق ..."
و أعتقد بإن الشخص إذا رغب في السفر عن طريق البر يجب عليه و قبل كل شئ عمل صيانة شاملة للسيارة للتأكد من عدم وجود أي خلل قد يؤدى لتعطل المركبة في طريق السفر .... و من النقط المهمة اللى أنا أشدد عليها و أنصح دائماً و هي التأكد من الإطار الاحتياطي ... كثير منك يعتمد إن السيارة جديدة أو إن الكفر الإسبير لم يستخدم منذ مدة طويلة فأكيد إنه صالح للإستخدام عند الحاجة له .. و لكن ماذا لو إكتشفت عند الحاجة بإن هواء الإطار ناقص !! أو إن الإطار تالف !! ما موقفك !!
أخي الكريم ... لا تجعل المفأجات الغير سارة تنغص عليك متعة الإجازة
بالتوفيق و رحلة سعيدة

اتصل برقم الطوارئ 112 ويرسلو لك مساعده على الطريق - طبعا هذا في اي طريق في المملكة

اول شي توكل على الله واقرأ دعاء السفر والحافظ الله وتشييك السيارة مهم قبل التشغيل
ثانيا اذا كنت داخل السعودية اتصل على امن الطرق 996 وخمس دقايق وهم عندك واذا الشغلة سيارة متعطلة يعطونك هم ارقام السطحات ونص الطريق سطحات وتلقى كل 20كيلو راعي سطحة ينتظر رزقه بس الله يعينك على استغلالهم
واذا كنت داخل الأمارات فلاأعلم كيف التعامل بهذة الحالة واتمنى من الأخوان الأماراتيين افادتنا
مع العلم اذا كانت سيارتك شيفرولية(كابريس مثلا) تتصل على الرقم الدولي حق الشركة ويرسلون لك ورشة متنقلة في اي مكان داخل الخليج
والله اعلم

خليك مثلي تعطلت سيارتي بعد دخولي الامارات وكان يبعد مركز الغويفات 200 كيلو ودبي تقريبا 200 يعني بالنص ومعي عائلة ( اهم شي الماء ) وكانت الساعة 11 ظهرا الى الساعة 2 ولا واحد وقف وقال خير ولا عطانا ماء وتخيل الجو المهم الساعة 2 وصلت دورية شرطة:8888: وكان فيها مغربي وسوداني ( موظفين لمراقبة الطريق وجمع المخالفات فقط بدون رتب عسكرية )من وقف على الشارع الكل وقف حتى الشاحنات طلبا للمساعدة فلم تفلح المساعدة المهم سيارة الشرطة كانت جيب لاند كروزر ربع باب واحد فقط وكنا عائلة 6 افراد ركبنا الجيب تقول سمك سردين واقرب مركز للشرطة كان 100 كيلو المهم نزلنا عند مسجد وغسلنا وشربنا الماء وقلنا بنعبر للشارع الثاني فيه بقالة وتوقف عنده سيارة التكسي وصلنا للبقالة ودورت فلوسي بدفع وكانت المفاجئة :110( طبعا الساعة كانت 4 عصرا )) الفلوس بالسيارة ورجعت للشارع الثاني ادور توصيلة وقف لي باص سرعته القصوى 80 ركبت وصلت سيارتي واخذت الفلوس ورجعت للبقالة المهم وصلت دبي الساعة 12 ليلا وطبعا القصة طويلة ولكن اختصرتها .
اذا كنت داخل الامارات الشرطة 999 البدالة 100 سيارات الاجرة 6223300-02

والله مشكله
يعني الامارات مااعندهم هذه الخدمه مستحيل!!!!

أفضل الحلول مثل ما تفضلوا الاخوان
عمل الصيانة و التأكد من صلاحية و سلامة جميع المستلزمات الخاصة بالالية
ثانياُ... لا سمح الله تعطلت السيارة في دولة الامارات .. اتصلوا على رقم الشرطة 999 و اذا ما ساعدوكم أقل شي بيدلونكم على انسب الطرق لحل المشكلة .. اما عن طريق اسالكم لاقرب مكان امن .. او ارسال شركات الريكفري لقطر السيارة الى احدى الكراجات ليتم تصليحها
بالسلامة ان شاء الله

المفروض بما انهم اصحاب السياحه الاولى بالخليج ما يفوتهم هذا الشي للقادمين من البر