السلام عليكم ورحمة الله وبركاته
اخي الفاضل بزنس ماان
شكرا لطرحك هذا الموضوع
إن شاء الله ستكون رحلتنا الي مدينة آخن للعلاج وللسياحة ومنها الي بروكسل 2 ساعة وباريس حيث انها قريبة حوالي 3 ساعات في القطار وان شاء الله من باريس الي لندن 10 ايام ثم العودة الي اخن والسفر مرة آخرى الي امستردام ودانهاخ والعودة الي آخن علما بان المسافة من اخن الي امستردام حوالي 250 كم اخن
لا يوجد بها مطار عن طريق دسلدرووف او مطار ماستريخت آخن حوالي 15 دقيقة بالسيارة
والعذر والسموحةهذي اول مرةاكتب

زهرة قطرر
حيا الله اختي زهرة قطر .. متعكم الله بالصحة والعافية ورحلة سعيدة باذن الله ..
حسب ما فهمت انكم ستتنقلون بالقطار بين آخن وبروكسل وباريس وامستردام .. ولندن بالطيارة ذهاب وعودة لمطار دسلدورف او ماسترخيت ..
اذا كذا فانصحكم باستئجار سيارة افضلكم من القطار .. لأن القطار يحتاج لتبديل لأكثر من محطة من آخن قبل الوصول للمحطات الرئيسية كبروكسل وباريس وامستردام .. والتنقل يبي يصير صعب مع الشنط والاطفال!
امستردام وباريس وطبعا لندن مرة حلوة .. بروكسل بالنسبة لي كئيبة بصراحة ما تستاهل العنوة .. ماسترخت بلدة صغيرة وحلوة فيها مطاعم واسواق حلوة .. سيتي سنتر دسلدورف حلو بعد ..
مرة ثانية اتمنى لكم رحلة سعيدة ..
تحيتي ..

السلام عليكم ورحمة الله وبركاته
شاكرة لك اخي الفاضل ردك الكريم
بروكسل كئيبة مثل ماتفضلت
لكن اعتقد ان القطار من اخن الى باريس يتوقف في 3 محطات هي الياج وبروكسل والثالة اعتقد باريس ومافي تبديل قطارات واسم القطار تاليز .
اعتقد القطار للأطفال اريح من السيارة للمسافات الطويلة ههه ماجربت الاطفال في السيارات ولا والقطار لكن ان شاء الله السنة بنجرب علما باننا نستأجر سيارة كل سنة
واذا ممكن ينكتب عن كيفية السفر الي بريطانيا بالقطار من باريس ويذكر اسم القطار والمحطة وكم ساعة الله لا يهينه وله جزيل الشكر .

السلام عليكم
اخوي بزنس يعطيك العافيه
انا معاك في التخطيط المبكر لان يخلي رحلتك مرتبه اكثر ...
اخوي تقدر تجمع بين المخططين اللي ذكرتهم
انا في الصيف اللي راح سويت جذي
بقولك شلون
مثلا تنزل في ميونخ وتاجر سياره من هناك
تقعد كم يوم فيها عقب تروح زيلامسي في النمسا او سالزبورغ
لان اعتقد هم المدن المهمه في النمسا اما فيينا من وجهت نظري نفس ميونخ تقريبا فمافي داعي تروح لها لان بعيد شوي حوالي اربع ساعات من موينخ
اما زيلامسي تبعد ساعتين ونص من ميونخ
بعدها ترجع ميونخ تقعد كم يوم
وبعدها تروح ستراسبورغ الفرنسيه ومنها كل شي قريب البلاك فورست وغيرها
تقعد يومين او ثلاثه
بعدها تروح فرنسا
باريس تبعد حوالي خمس ساعات تقريبا وهذي اطول مسافه تقريبا
بكذا بتروح كل الاماكن اللي تبيها
وتقدر بعدها تسلم السياره في باريس وترجع من هناك او ترجع بنفس الطريق
بصراحه انا جربت هالمخطط العام وكان حلو وممتع
اما مدة اقامتك في كل منطقه يرجع لك
تحياتي لك

زهرة قطرر
حلو اذا ما في تغير قطارات .. الرحلة تاخذ 3 ساعات تقريبا والطبيعة حلوة من بروكسل لباريس الارض خضراء ومنبسطة ..
بالنسبة للسفر بالقطار بين لندن وباريس جربي الرابط تحت يبي يفيدك باذن الله ..
http://www.raileurope.com/
تحيتي ..

boos3ood
حيا الله اخوي .. مشكور على التوضيح والمعلومات المفيدة .. نعم بالتأكيد تقدر تجمع بين المخططين واكثر بعد .. زي ما تعرف اوروبا صغيرة تقدر تلفها بمدة قصيرة .. وهذا يعتمد بالدرجة الاولى على هدف الرحلة ومدتها ..
فمثلا من يرغب استكشاف مناطق عديدة باوربا يفضل التنقل الكثير بين المدن والمعالم السياحية حتى لو كانت مدة السفرة قصيرة لكي يضمن تغطية ومشاهدة اكبر رقعة سياحية ممكنة ..
وبعد عدة سنوات وعدة سفرات وبعد ان يكون غطى اغلب المناطق الجميلة باوربا وحدد تقريبا اقرب الاماكن المحببة لنفسه تبدأ هنا خطة السفر بالتغيير .. حيث يميل السائح للاستقرار في مناطق محددة والتقليل من عمليات التنقل ..
تحيتي لمرورك ومشاركتك الكريمة ..

انا لحد الحين ماخططت على شيء
لان وضعي في الصيف راح يكون مختلف شوي
..
مشكور على موضوعك الجميل
وانا متابع

Boby
هلا وغلا باخوي بوبي .. شرفني مرورك .. باذن الله تترتب امورك وعقبال احلى الخطط ن شاء الله ..
تحيتي ..

شكرا على طرح مثل هذه المواضيع التي أعتقد أن فيها كثير من الفائدة:
للاستعانة بخبرات الأخوة للتخطيط للسفر.
طرح أماكن جديدة لم تكن في الحساب لمن لم يقرر بعد.
معرفة ميول الأخوة الأعضاء ... وغيرها.
أما بالنسبة لي فأنا ناوي على أوربا تحديدا منطقة تكون على حدود أكثر من دولة أوروبية وبعد البحث وجدت مدينة على الحدود الألمانية النمساوية الفرنسية أو السويسرية اذا ما كنت مخطي، اسمها بريغنز وتنطق براي جنز.
ناوي استأجر سيارة مسبقا على النت وأحط في مطار ميونخ وبعده على بريغنز.
اذا حد من الأخوة عندة معلومات اضافية عنها أو مدن مشابهة ينصحوني بدعي له بخير الداريين.