شمس بارده
28-08-2022 - 08:28 am
السلام عليكم
كيف الحال جميعا
يسعدني ان اكون عضوه في هذا المنتدى الرائع..واللي عجبني جدا جدا بتقاريره ومواضيعه الشيقه
انا بغيت منكم خدمه وهي اني خاطري اروح انا وزوجي لأوربا وودنا بلندن وفرنسا وايطاليا..(المانيا واسبانيا وسويسرا هذول خيارات ثانويه اذا احد يقدر يدخلها بالجدول)
والرحله بتكون لمدة شهر تقريبا
ابغى اعرف كيف نسوي الفيزا وكيف الجو هناك في الظهر وبالليل في كل مدينه
تخطيط للرحله بحيث ان مايطوفني شي واهم شي الاسواق خ لو يدري زوجي
والاسعار وفكره عامه
انا والله ماودي اتعبكم بس بصراحه زوجي مشغول جدا وانا قريت لين تعبت بس الافكار مخربطه في راسي ابي احد يساعدني الله يجزاكم خير
في انتظاركم
للعلم ايطاليا بعيده عن لندن وباريس لأنها في جنوب اوروبا يعني شليها من القائمة احسن
ليش ماتخلين رحلتك مثلاً تبدا من المانيا وبالتحديد دوسيلدورف ومنها الى هولندا وبالتحديد امستردام ومنها الى بلجيكا وبالتحديد بروكسل ومنها تحدد با باريس ثم لندن او لندن ثم باريس مع اني ما اشوف ان فيه لندن شي يستاهل
وهذي خريطه تحدد لك المدن المفضله
وحطيت عليها دائرة
وهذي خريطه تبين لك ان ايطاليا بعيده عن وسط اوروبا هذه اذا قلنا ان اقرب مدينه هي ميلانو
وبالنسبة للفيزا من السفاره او من اي مكتب سياحي يقدر يوفر عليك التعب
وبعد تحديد المدن تقدرين تختارين الأماكن السياحية من المنتدى