مرحبابك اخوي
تبا المساعده في الفنادق ولا في الأماكن السياحيه؟؟
انصحك تقرأ موضوع اخونا الوطواط الموجود حالياً في بوابة الإمارات.. فيه معلومات كثيره بتفيدك
بعض الأماكن السياحيه:
https://artravelers.com

• حديقة الخور ممكن ركوب التلفريك و جوله في الحديقه...والتمشيه على شاطئ الحديقه حلو

(إذا كان الجو يساعد)

• حديقة الوندرلاند العاب مائيه + كهربائيه
• **الباص العجيب : عبارة عن باص برمائي .. يأخذك بجولة لرؤية معالم مدينة دبي بالبر والبحر ابتداء من مركز برجمان .. ويجب ان تحجز فيه مسبقا.. موقعة بجانب بمركز برجمان الرحلة مدتها ساعة و نصف

تبدا عند الساعة العاشرة صباحا أو الواحدة بعد الظهر أو الرابعة عصرا
سعر التذكرة للعائلة 290 درهم للرحلة الصباحية و315 لرحلة الظهيرة و العصر
أما المفرد أعتقد 160
http://www.wonderbusdubai.com/home.html
إضافه لبعض السناتر:

• الستي سنتر(سينما+العاب+مطاعم على ردهتين+تسوق)
• مركز برجمان(تسوق+مطاعم)
• مركز وافي(تسوق+العاب+مطاعم) واغلبه ماركات
• مركز ميركاتو في جميرا على الطراز الإيطالي(تسوق+سينما+مطاعم)
• مركز الريف مول(تسوق+مطاعم+العاب)

واغلب السناتر فيهم فعاليات مهرجان الصيف
مدينة مدهش للأطفال في المركز التجاري ..وبتلقى المعلومات في موضوع الاخ الوطواط
المطاعم منتشره على شارع الرقه + شارع الضيافه + شارع الشيخ زايد رحمة الله عليه + شارع جميرا + بالإضافه للسناتر
بعض المعلومات عن الشارقه و أبوظبي
https://artravelers.com

أفضل الأماكن السياحية في دبي باختصار :
1- سيتي سنتر
2- مول الأمارات و سكي دبي
3- وافي مول
4- ميركاتو
5- الوايلد وادي
6- برجمان و الباص العجيب
هذا كل اللي عندي ..
وإن شاء الله الأعضاء بعدي يساعدونك بإذنه ..
والله يوصلكم ويرجعكم بالسلامه ويجعل رحلتكم سعيدة ..
أخوكم / حمد 333

فعلا أخويا ، عندك دبي أكثر شيئ فيها في هالحر ، المولات ،
ابن بطوطة خمسة مولات في بعض
مول الامارات وفيه التزحلق على الجليد
وعندك حديقة الحيوان بالشارقة لاتفوتك
اسمه منتزه الصحراء ، اكثر من رائع وياخ منك تقريبا ساعتين إلى ثلاث ساعات
وفي العين ، جبل حفيت ومبزرة الخضراء
تحياتي

الغالي حياك الله في بلدك الإمارات
عندك 7 إمارات وكل إمارة لها ميزة في الجانب السياحي
والأفضل أنك تستأجر سيارة عشان تلف معظم الإمارات........
وصدقني ما يبالها شي ومثل ما قالت لك بنوتة الإمارات وباهرو .......
وخذلك لفة في مشاركات الأخوان والأخوات في بوابة الإمارات......
ويا مرحبا الساع

باهرو ؟
)))
ألله يسامحك
اسمي pharoh
فاروه
يعني لامواخذة ...فرعون
نسبة إلى الفراعنة
))

مشكورين اخواني على مروركم
بنوتة الامارات لا انا اقصد الاماكن السياحية لان الفنادق خلاص حجزتها وبالنسبه لموضوع اخونا الوطواط انا قريتة بس انا ابغى اكبر قدر من المعلومات لانها اول رحلة لنا للامارات واتمنى ان تكون رحله لاتنسى
اخوي حمد333 مشكور مرورك (فاروة) مشكور لمرورك .الله يستر ماكتبت اسمك خطأ
اخوي الاماراتي الله يحيك ويبقيك وش تقصد بالسياره تقصد فيها سيارات الاجره والاسيارة ثانية وبكم سعرها؟

انا آسف فاروه فديت خشمك
الغالي مسافر 531
أقصد سيارة تأجير Rent Car عشان تقدر تلف الإمارات وأنت مرتاح !! وفي مكاتب تأجير بالهبل وتقدر تتأجر دايركت من المطار وأسعارهم جيدة