yasser k.k.m
شباب انا متوهق في الحجز بين بالي ولومبوك لان ما لقيت حجز ...
فحبيت استفسر اذا كان فيه رحلة بحرية من بالي الى لومبوك عن طريق شركة وكم تكون قيمتها للي عندهم خبره ..
واللي يعرف شركة متخصصة بالطيران بين بالي ولومبوك يفيدنا مشكورا .. وجزاكم الله الف خير .
حياك الله اخي ياسر
بالنسبة للطيران هناك شركة اسمها (ميرباتي) تقلع لمدة 15 دقيقة فقط بين بالي ولمبوك..لكن انتبه آخر رحلة تكون في الساعة ال6 مساء واحياناً لو ذهبت للمطار يمكن يحطونك إنتظار لو مالقيت حجز وتطلع في اكثر الأحيان..مكتب طيران ميرباتي تجده في المكاتب الخارجية في مطار بالي واسعاره رخيصة
اما الرحلات البحرية فهي عن طريق الميناء او عن طريق المكاتب التي تجدها في شارع كارتيكا في كوتا بالي
لك محبتي

وإضافة الى كلام أستاذنا ابو تركي
الرحلات البحرية مدتها ثلاث ساعات عن طريق اليخت السريع من بالي الى لمبوك والعكس وقيمة تذكرة
الشخص الواحد بحدود150 ريال ...
وتجد اكثر من شركة بحرية تسير رحلاتها بصفه يومية وغالباً موعد إنطلاقها بالفترة الصباحية ويجب الحجز
المبكر أي قبل موعد الرحله بيوم او يومين لضمان الحصول على المقاعد المطلوبه
أحترامي وتقديري

المحتسب
يعطيك العافية يالغالي وما قصرت ... بس استفسار اخير بالنسبة للرحلة البحرية كم مدتها وهل انه من الافضل اطلع طيران ولا الرحلات البحرية ممتعة ... لاني احب الرحلة البحرية بس اذا ما كانت خطرة او طويلة المدة وياليت نصيحتك في الموضوع علما اني بروح عوايل ومخططي جاكرتا بالي وبعدين العودة عن طريق بالي الى باندونق فهل ترى من السهل انك تحجز بحر رايح جاي من بالي الى لومبوك ومن لومبوك الى بالي من غير ما تخرب عليك يوم من ايام الرحلة او انك تشوف الطيران بيكون افضل لي .. وتحياتي لك وشاكر لك يالغالي .

الكوكب الطائر
يعطيك العافية يالغالي ... على كذا بيصير حل الطيران افضل لان قيمة التذكر 295 الف روبية ومثلها للرجوع ومدة الرحلة 15 دقيقة بينما الرحلة البحرية ب 150 ومثلها للعوددة ومدتها 3 ساعات ... وفق هذه المعطيات اشوف الطيران اوفر وارخص .. ولا وش رايك يالغلا ...

yasser k.k.m
الطيران افضل بلا شك خصوصاً انك بعائلة ولاتنسى دوار البحر الغثيث
لك ودي وتقديري

الرحله البحرية من واقع تجربة ممتعه للغاية
ويعود تجربتها من عدمه لعدد أفراد الأسرة
فاذا بينكم أطفال بنظري الطيران أفضل
والفارق بسيط جداً بالنسبة للتكلفة

المحتسب
اششكرك يالغالي من كل اعماق قلبي ..

الكوكب الطائر
تسسلم يالغالي وما قصررت ... وبما ان الرحلة البحرية ممتعة .. فقررت اني اخلي الذهاب بحرا والعودة جوا عشان استمتع بالرحلة البحرية في الذهاب واما العودة عشان الحق رحلة بالي باندونق .... وتسسلمون يالغالين ما قصرتم ..
بس اذا احد يعرف طريقة كيف نحجز الرحلة البحرية من الان يكون مشكورا جزيل الشكر ... ورحلتي في شهر يوليو ..

الصراحه هي تجربه واحده قمت بها من بالي الى لمبوك
وكان حجزي قبل الرحله بيوم واحد من احد الشركات ببالي
ولا اعتقد أنك سوف تواجه مشكله بالنسبه للحجز لوجود عدة شركات
أغلبها تسير رحلتين باليوم الواحد