حياك الله اخوي البرق ....
من واقع تجربه ففندق هارد روك ... من أجمل الفنادق... وهذا موقعهم بالنت http://www.hardrockhotelpattaya.com/bali/index.htmيمكنك الأطلاع عليه ...
تحية وتقدير

1. بس يمكن ان عندي معلومه تفيدكم الا وهي :

سلام ..
بالنسبة لموضوع بالي وفنادقها وبعد ما رفع لنا الاخ البرق . .. تبين بعد الدراسه اني ما ادل واجد فيها لاني ما رحت الا مره وحده بس لبالي !!

بس يمكن ان عندي معلومه تفيدكم الا وهي :

• بالي عبارة عن جزيرة .. يعني من كل جهاتها الابع هناك شواطئ, لكن الشاطئ اللي عليه الزحمه وعليه الكلام هو شاطئ كوتا لانه يعتبر وسط البلد .. وخذها قاعده اذي تبي تدل الديره (اي ديره ترووح لها) لازم تسكن في وسط البلد .. يعني اسكن في كوتا .. فيها فنادق كثير واسعارها جيده جداً .. وخذ من المطار فوتشر وقله ابي في شارع كوتا ..
• ايضاً هناك جبل ماهو طبيعي في بالي على ارتفاع شاهق وهو ايضا جبل جميل .. تركب في جيب مع سواق يطلع بك الجبل من الصباح ( مثل الذيب الساعه 5 ) .. وتشوف البحيرات اللي فوق الجبل ( منظر ساحر) .. لانه يوجد في اعلى الجبل اربع بحيرات موزعه على ارتفاعات مختلفه في هذا الجبل الاخضر الساحر ..
• لا تنسون سووق كوتا تراه سوق جميل والبضاعه اللي فيه جميله ومتنوعه وزينه وتصلح هدايا للربع عند العوده .. والله الله في المكاسر لاني مره من المرات وانا اتمشى في شاطئ كوتا لقيت عجييز تبيع شورتات ( مقوصر بالمحلي ) قلت لها بكم؟ قالت 20$ المهم قلت لا ومشيت قالت: كم كم .. مااي برايس داون (يعني تعال تعال ترااي عجوز اتكاسر ) .. قلت لها 10.000 ربيه بس !! قالت : نو سمول (قصدها شوي (ادري ان سموول يعني صغير بس هم يسمعوون بالانقليزي )) .. وانا افهم على شخاميطهم يعني افك الخط .. .. المهم مني ومنها الى ان اخذت 2 سراويل مقوصرات للبحر ( شورتات) لي ولخويي ب 50.000 يعني حوالي 5$ رفيقكم ذيب ..
• ايضاً هناك نشاطات بحريه كثيره ومتنوعه ممتعه جداً ( مع اني ما لعبت فيها ) .. لاكن سعرها بالدولار يعني زارفينك زارفينك الله لايعووق بشرّ .. وعلى قولة الفنان الراحل عبد الحليم ( تراك يا ولدي مزروفٌ مزروفٌ مزروفٌ مزروف)
• - انصحكم لاتسكون في نوسا دوا لانها بعيد جدا عن وسط البلد وبتنلطع على بعد 30-40 كيلو عن وسط البلد ولا تلقى تكاسي .. مع ان فنادقها حلوه وعلى البحر وشاطئها رائع بس ترى البعيد ما ينبغي ولو كان زين

وسلامتكم

هلا والله اخوي البرق...الأخوان ماشاء الله اعطوك معلومات جيده ولمن حبيت اضيف شوي معلومات عندي
وان شاء الله تساعدك...مثل ماقال اخوي سبتار توجه لمنطقة كوتا واسكن فيها ...اما المواقع السياحيه منها
الشلالات ومدن الألعاب المائيه والشاطئ الصخري والمعابد والمياه الحاره وكنتنامي ....ويمكن زيارة المواقع
كلها بحيث انك تتجه لأحد مراكز تأجير السيارات في وسط البلد وتتفق معه باليوميه تقريبا 30 دولار ويفر بك
الديره ....نسيت اقولك ان الشلالات تراها مشوار بس لا تفوتك....
يمكنك الأستفاده من الموقع http://www.bali.com
تحياتي للجميع

فعلا لا يفوتك هارد روك
غالي شوي بس يستاهل
يكفيك بركة السباحة
وعندهم غرف على البحر من خشب ارخص اشوي وحلوة
في الجهة المقابلة للفندق
او روح شارع لقيان وطب وتخير
وعندك متى هاري لاباس فيه