ليش محد رد علي محد عنده خبر بالطريق من الكويت الى الامارات
مع تحياتي ،،،

السلام عليكم،،،
هلا وغلا فيك أخوي فهد....
راح أقولك بس عن طريق الشرقيه مع الحدود الإمارتيه.... (حسب علمي ومعرفتي من قبل أصدقائي الذي يستخدمون الطريق البري للسفر للإمارات)
أنت من تمسك خط الأحساء، الله يعينك.... بس نصيحه... دائماً أطلع من الخبر أو الدمام للأحساء صباحاً بس بعد الثامنه.... وذلك لزحمة الطريق وخاصةً قبل وصولك للمدينه الصناعيه الثانيه....!!! (شاحنات)
خط البطحاء وهو الخط الذي يربط الأحساء بحدود الإمارات (منفذ البطحاء) خط مقطوع يعني حاول تجهز نفسك من الهفوف أو المبرز بالأحساء قبل الإستمرار بالسياقه.
بعد الحدود، وحسب كلام الشباب، نعم فيه أستراحات ومطاعم.... بس ما أدري عن الفنادق أو الموتيلات.
الله يوفقك ويسهل دربك ولاتنسى دعاء السفر، وكلما تنزل بمكان، قل:
(( أعوذ بكلمات الله التامات من شر ماخلق ))
ودربك خضر
أخوك> بو نواف

هلا بيك اخي فهد الكندري
انا رحت على الطريق كثير بنسبه لك أطلع من الكويت العصر ون شاء الله توصل الاحساء الساعه الثامنه وخذ شقه وارتاح فيها مع العائله وفى الصباح بدي اطلع من الاحساء وتزود من الوقود الاحساء وفي البطحاء تزود من الوقود والى الامارات في حفظ الله ورعايته .
اي استفسار انا في الخدمه وشكر . لاتنسى الهديه
اخوك star 11

هلا بيك اخي فهد الكندري
انا رحت على الطريق كثير بنسبه لك أطلع من الكويت العصر وان شاء الله توصل الاحساء الساعه الثامنه المساء وخذ شقه وارتاح فيها مع العائله وفى الصباح بدري اطلع من الاحساء وتزود من الوقود في الاحساء واذا وصلت البطحاء تزود من الوقود والى الامارات في حفظ الله ورعايته .
اي استفسار انا في الخدمه وشكر . لاتنسى الهديه
اخوك star 11

https://artravelers.com/p/re/130725
شوف الرابط هذا ممكن يفيدك

الاخ فهد اول طريق دولة الامارات فية فندق المرفا اربع نجوم وفية حدائق وكم مسبح حلو جدا للي يبي يريح لة يوم لانة هادي يبعد تقريبا عن الحدود 50 كيلو وباقي الطريق الى دبي 480 كيلو وبعدين لازم تفلل بنزين من الاحساء واذا جيت قبل منفذ البطحاء فلل بنزين من محطة سحاب وتعش اوتغد فية مطعم حليو المحطة بالظبط قبل الجمرك واي استفسار ان في الخدمة

أخي
داخل الحدود الإماراتية فيه فندق .. وهو جيد لا بأس به ..
لكن لو وصلت ومعك وقت .. خل جلوسك في ابو ظبي أفضل ..
وطبعا فيه محطات الوقود للراحة القليلة ..
وهي حلوة وجميلة فيها كل الخدمات ..
دمت بعافية .

skyhawk
مشكور على النصيحه والاجابة على سؤالي وان شاء الله يكون دربك دوم خضرstar 11
مشكور على النصيحه وتحديد احسن وقت للتحرك من الكويت ملاخظات تشكر عليهااخذو العلم
مشكور على الرابط بس للاسف الخريطة ما تطلع عندي انا قاري الموضوع من قبل بس الخريطة ما تطلع ليش ما ادريafmk8
شكرا على هذه المعلومات الحلوة منكم نستفيدسيسبان
مشكور حبوب على النصيحه والمرور
والله احرجتوني بردودكم وكرمكم معاي لكم مني كل الشكر والتقدير
مع تحياتي ،،،