المرجو انتقاء الالفاظ المناسبة للرد على الاخوة بالمنتدى...
الخواطر
المشرف العام

أخوي ولد الكويت....
في أناس ما يعرفون من وين تشتري الأجهزة...أو من وين تطلع شريحة؟؟؟؟
يعني عندنا في السعودية...تطلع الشريحة من الاتصالات....و الأجهزة من مجمع الاتصالات...
ما أتوقع كل الناس يعرفون هالشي....
و بعدين مو عيب الواحد يستفسر؟؟؟
أتمنى ما يكون في مداخلتي أي إهانة أو إزعاج....
بالنسبة لسؤالك أخوي bagus...إذا كنت من السعودية....فجوالات السعودية تشتغل هناك إذا كنت عممت الشريحة....لأن اتصالاتهم تدعم جوالات السعودية....
أتمنى أكون أجبت عن استفسارك.....
أختكم/بنووته

يا اخي الفاضل لو مو عاجبك المنتدى والناس الي فيه ((((لا تدخلوا))) ولا تتهجم على الخلق يا اخي سؤاله حلو وعاجبني واكيد راح يفيد الي خارج الامارات ولا تقول مستشفى ولا صيدليه ومافي داعي للتقليل من شأأن الأخرين خليك محترم ولسانك حانك يا كويتي

bagus
اخي الكريم بالنسبة لسؤالك فإذا كنت تبي شريحة اماراتية تقدر تروح لشركة اتصالات الي لها عدة فروع و تطلب شراء شريحة تقدر تشحنها عن طريق البطاقات المتوفرة في كل مكان .. و إذا كنت تبغى تستخدمها لفترة طويلة ممكن تشحنها كل 200 درهم تقريبا كل عام لكي تكون قادرة على الاستقبال و تحافظ على الرقم الي عندك
أما بالنسبة ل ولد الكويت فما اعتقد انه سؤال الاخ bagus كان سخيف هذا اول شي .. ثاني شي السؤال ماكان موجه لك السؤال موجه للناس الفاهمة التي تقدر و تحترم الغير و تحب المساعدة و هذا طبعنا في منتدى العرب المسافرون
و اللي موب عاجبه يدور له على منتدى اسمه منتدى (الأسئلة العبقرية) علاشن يرضي مخه العبقري
و بالأخير أقولك و لغيرك من حاملي نفس الأفكار عيب
بدون تحيات هالمرة

نادر مره
القطوة
أشكركم على المروور و إبداء الرأي...(مع إنه مو موضوعي)
كما أشكركم على الإجابة على السؤال المهم جداً
أختكم/بنووته ؛)

السلام عليكم ورحمة الله وبركاته
اخوي bagus
يمكنك الحصول على العنوان الخاص بالاتصالات في دبي عبر هذا الرابط
الاتصالات https://artravelers.com
واشكر الاخوة الكرام على تفاعلهم وردودهم..
تحياتى

باقوس يا هنيء
انا اشهد انك باقوس
اتوقع حبيب قلبي انها متوفره في المحلات والسوبر ماركت !! لانها مثل سوا ....... اذكر مره طلبت من راعي بقاله كرت تلفون ( مثل زجول) .. وسالني : تبي شريحه وقلت له لا بس ابي كرت اتصال مدفوع !!!!!! عشان كذا اتوقع انهم يبيعون ..

اخويه سبنتار
حياك الله في بلدك الثاني ..
عدنا (موسة الامارات للإتصالات)
وهي الموسسة الوحيده والحصرية في الدولة
وعندها نوعين من شرائح الجوال
1- نوع الخط الدائم (بطاقة GSM) .. يعني كل شهر تدفع فاتورة النقال .. وما اعتقد هذا النوع يفيدك
2- نوع الخط أسمه (خدمة واصل لهواتف GSM) .. وهو عن خط يتم تعبئته عن طريق البطاقات المدفوعة مقدما والمنتشرة في محلات البقاله وفي كل مكان وهناك فئات للبطاقات المدفوعة مقدما 30 درهم - 50 درهم -100 درهم ... بس في بعض محلات البقاله ممكن يعطونك البطاقة اللي مكتوب عليها 30 درهم ب 28 درهم (يخفضون)
وهذا النوع من بطاقات الواصل بتفيدك أكثر على ما اعتقد وسعرها 180 درهم وتكون صالحة لمدة عام .. ولتجديدها تحتاج ل 100 درهم لتستمر عام آخر .. وهكذا
انته قول وين بتسكن في الامارات بالضبط وفي أي فندق وانا بقولك وين أقرب فرع لموسسة الامارات لإتصالات لك ...
ولإستخدام البطاقة المدفوعة مقدما لتعبئة حساب واصل ..
عليك كشط البطاقة المدفوعة مقدما لإظهار الرقم المكون من 14 رقم
والاتصال على 120 متبوع بالرقم الموجود على البطاقة المدفوعة مقدما بهذه الطريقة

• **** **** 120

واضغط زر الارسال
وللتأكد من رصيد حسابك اتصل على الرقم 121
واذا كان عندك اي استفسار .. لا تتردد

اخي bagus وعليكم السلام ورحمة الله وبركاته
حياك الله اخي بين اهلك واخوانك وربي يحفظك
ام باالنسبة للاجابة لقد تفضلت اختي miss_Dubai_2003 بذكر التفصيل
ربي يحفظها. واحببت ان اظيف بعض الاظافات
النوع الاول الذي ذكرت اختي(1- نوع الخط الدائم (بطاقة GSM) .. يعني كل شهر تدفع فاتورة النقال .. وما اعتقد هذا النوع يفيدك )
هذا يلزمك تدفع تامين مقداره 5000 درهم النوع الثاني- (نوع الخط أسمه (خدمة واصل لهواتف GSM) .. وهو عن خط يتم تعبئته عن طريق البطاقات المدفوعة ) برضه ذكرت اختي ربي يرعاها _هذا طبعا تجده في محلات الموبايل بمبلغ وقدره 185 درهم مشحون ب10 دراهم ومن ثم تشحن انت البطاقة
ويتطلب منك صوره من الجواز ولكن هناك تنويه هذا النوع لايعمل خارج الامارات ومحدثك حاصل على هذه النوعيه وهوا النوع الثاني ومعك مجال سنه من آخر شحن لك واذا انتهى الشحن يستقبل فقط سنه
كامله كمى اسلفت من أخر شحن وفي الختام تقبل تحياتي