السلام عليكم ورحمة الله وبركاته
اخواني انا بعد اسبوعين تقريبا إن شاء الله طالع رحلة مع الاهل مع خطوط الكاثي باسيفيك الى هونج كونج بنقعد فيها 4 ايام وبعدين بنروح لكوانزو نقعد فيها تقريبا 6 ايام وعندي كم استفسار لا هنتم
1- بالنسبة للمواصلات هناك هل المفروض الواحد يشتري بطاقة خاصة بالمترو تمشيه الايام هاذي يروح ويرجع فيها ولا يقضيها تكاسي ولا كيف خاصة انو المترو نحتاج نعرف المحطات والاماكن .
2- اسمع عن البطاقة الاخطبوطية هذي مفيدة احسن الواحد يطلعها ولا عادي نمشي كاش وهل تباع في المطار؟
3-بالنسبة لشرائح الجوال نطلعها من فين موجودة في المطار؟
4-لمن نجي نروح من هونج كونج الى كوانزو فقط نروح وقتها المحطة ونقطع تذكرة ولا يحتاج من قبل بكم ساعة مثلا وبالنسبة للعفش كيف وضعو في القطار؟
5- اخيرا بالنسبة ل ديزني هونج كونج نروح بدون تذكرة ونقطع من عند البوابة ولا الافضل تشترى التذكرة من قبل كم يوم من اي محل اخر؟حتكون ارخص فعلا؟
6- في أسواق كوانزو عادي الوضع بيكون في تفاهم يعني يتكلمو انقلش ولا يحتاج مترجم مثل ما يقولو بعض الشباب.
هل المفروض الواحد يقلق ويفكر في هذي الاشياء ولا الفندق بيفيدنا في كل شي هناك .. ملاحظة: في هونج كونج السكن حيكون في الشيراتون وفي كوانزو بيكون في الفورسيزونس
ادري اسئلتي كثيرة
الله يجزاكم الف خير مقدما عالمجهود الرائع في هذا الصرح