أكتشف العالم بين يديك
المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة.
artravelers.com ..
السلام عليكم
عندي دورة في نوفمبر في كراون بلازا بس بصراحة ما عندي فكرة عن مستواه، اللي يقدر يفيدني بكون شاكرة له و اذا الفندق مو بالمستوى المطلوب يا ريت ترشحولي فندق قريب و يكون بمستوى راقي و مشكورين مقدما
مستواه 4 نجوم لكن انا اعطيه اقل ...
الميزه الوحيده فيه وجوده على شارع الشيخ زايد ووجود ( فرايديز وابل بيز وتوني روماس ومجموعة مطاعم اخرى
على بعد خطوات من الفندق ...
على شارع الشيخ زايد ( بإعتقادي ) الافضل بالترتيب ..
ابراج الامارات ومونارك .. ثم شانجريلا وانجسانا .. ثم تشلسي ودوسيت .
تحياتي .
هالفندق قديم ومستهلك مثل ماقالولك فهد واليازي
وفيه بعد عيب ثاني ان فيه ملهى ليلي مشهور .. يعني الله يعينك اذا حطوك في غرفة قريبة منه .. والله يعينك اذا بترجع الفندق في الليل .. زحمة غير طبيعية عند المدخل
عالعموم في كم فندق قريبين منه .. اذا انت تبي تروح مشي .. فأقرب فندق له هو فيرمونت وهو فندق خمس نجوم وفخم .. واذا تبي شي أرخص .. شوف https://artravelers.com/p/re/212761
شانغريلا يعتبر واحد من افضل الفنادق في دبي .. بس يبيلك لياقة اذا بتروح مشي لكراون بلازا .. او انك تروح بالسيارة
اخوي .. الكراون بلازا قديم قديم جدا وما صار عيه اي تجديدات ، انا من تجربه شخصية انصحك بشنقريلا وهو قريب جدا من كراون بلازا وغرفه جدا فخمه و اطلالة الادوار العليا رائعة.....بالتوفيق ان شاء الله
جزيل الشكر لكم جميعا بس الكل جاوبني بصيغة المذكر و انا بنت، ما عليه تمونون و تسلمون على النصيحة و ان شاءالله اشوف لي احد الفنادق اللي ذكرتوها
شكرا مرة اخرى
الميزه الوحيده فيه وجوده على شارع الشيخ زايد ووجود ( فرايديز وابل بيز وتوني روماس ومجموعة مطاعم اخرى
على بعد خطوات من الفندق ...
على شارع الشيخ زايد ( بإعتقادي ) الافضل بالترتيب ..
ابراج الامارات ومونارك .. ثم شانجريلا وانجسانا .. ثم تشلسي ودوسيت .
تحياتي .