وعليكم السلام
الفندق رائع توكل على الله بس انه مو على شارع العرب لكن ما اشوفها مشكلة بالعكس موقع جدا ممتاز
ويميز الفندق انه مع سوق وملاهي بنفس المبنى يعني تنزل بالمصعد تحت على السوق ملاهي ومطاعم وسعة صدر
بس حاول تاخذ جناح فاخر وبدور مرتفع واكيد اسعاره ارخص من الوستن بكثير

مشكور اخوي مهند ... معنى هذا انك مجربه ؟
انا حجزي ستوديو يعني سويت مصغر بس مدري هو بأي دور
جزاك الله خير وما قصرت

شوف اخوي انا توني طالع منه الاربعاء اللي راح يعني مجرب فرش
توكل على الله واسكن موقعه ممتاز والسوق فيه والملاهي ممتعه للاطفال بالعربي للعائله ولغير العائله رائع
وزي ماقال مهند خذ جناح واعتقد سعره من 440 وطالع

مشكور اخوي وسم والله يجزاك الف خير .. بس انا لقيته بالنت بأقل من 440 بكثير واستديو بس عاد مدري الاستديو وين حاطينه بأي دور.. انت كيف كانت طريقة حجزك؟
طيب دامك مجربه فرش اخوي بسألك عن مستوى الفندق بشكل عام .. النظافه .. مساحة الغرفه ..تنوع بوفيه الافطار>>> تعرف الخليجين ما يعجبهم اي اكل ... تعامل الموظفين .. يعني تنصح فيه بقوه والا فيه افضل منه ؟؟؟
اسفه جدا على الاطاله

اعتقد الجناح اللي خذت سوبر ديلوكس اذا ماني غلطان لاني والله ما ادقق في الاوراق خذته على نصيحه زميل لي سكن في العام الماضي وكان بالدور ال 30 وعن طريق مكتب العربيه بالرياض
فرشه فوق الجيد مو ذاك الفخم جدا لكنه حلو
نظيف
مسابحه حلوه
مساحه الغرف بالجناح كبيره
بوفيه الافطار جميل وان كانك زيي بتلعبين في البيض والجبن بس وذكر بعض الاخوان انه ينتهي مبكر لكن بصراحه اجي على الساعه 10 القى كل شيء موجود وبكميات
تعامل الموظفين رائع
انصح فيه بقوه اذا معك اطفال وتحبون الحركه ففيه سوق كبير وملاهي وستار بوكس ومطاعم وسوبر ماركت صغير (سفن الفن)
اذا تبغين فخامه فعليك بالويستن او ماريوت مع انه والله ممتع التايم سكوير

الف الف شكر يا وسم ... والله انك ماقصرت ..
خلاص حجزت اول 3 ليالي ويستن ..وباقي الايام في برجايا كنوع من التغيير
خلاص شورك وهداية الله

أنا عن تجربه الصراحه أعجبني تايم سكوير مافيه شي يعيبه و فطور ما عليه كلام و غرفه ممتازه و موقعه
مرره حلوو و السوق فيه راقي و حلو و كبير بس تراه برجين يعني أنتبه وشوف أنت في أي برج و أدخل من
الباب الأقرب له لانك لو دخلت من الباب الغلط راح تمشي مسافه طويله بس الفندق ممتااز
و أي سؤال أنا حاضره

جعلك سالمة......
هل فيه خدمة انترنت مجانية داخل الغرف

بنت سنعه ... عز الله انك سنعه الف شكر والله ما قصرتي .. اللي عرفته انه عبارى عت برجين واحد فندق والثاني شقق مفروشه ... اتوقع غرف الفندق بتكون كلها بنفس البرج .. صح ؟
طيب وش رايك بالسوق اللي فيه ؟؟ تعرفين رايحه اتسوق واهم شي الملابس والكاجوال .. الاقي هلاشياء بالسوق والا في افضل منه ؟؟؟ ياليتك تنصحيني باين عليك سنعه صدق واختك ماتدري وين الله حاطها فيه