حياك الله ياغالي ...
الفندق أسمه ( البرجايا تايم سكوير ) ... وهو في نفس المجمع الضخم ...
الفندق ( جيد ) وسمعته طيبة ... لكن تجارب الأخوان فيه قليلة ونادرة ...
وبأذن الله تعالى ... يفيدنا أحد سكن فيه ... ويعطينا رأيه ...

اخي وحبيبي وافي
لو تكرمت رابط الفندق في بوكنق ؟؟
والله يعطيك العافية

Berjaya Times Square Hotel
https://www.booking.com/hotel/my/berjaya-times-square-convention-center.ar.html?aid=1300939
اعتقد هذا اسمه
اما بالنسبة لنصيحة السكن ... انا نزلت فيه قبل تقريبا 4 سنوات وبصراحه كان ممتاز من ناحية انه يقفل باب التسوق في اسواق معينة يعني بضاعته رخيصة ومعقوله
اما من ناحية النظافة كان معقول بالنسبة لل 4 نجوم يعني في المجمل نظيف
وبصراحه لا تدور على النظافة في فنادق ماليزيا ولاكن دور على اللى يخدمك من ناحية التنقل و مكانه الاستراتيجي
لانه اغلب فنادق ماليزيا .. المفروض تصنف من 10 نجوم وليس 5 نجوم .. وفوق هذا صعب تفند لهم نجوم من نظافتهم

سكنا فيه 2009 كان فندق حلو موقعه جيد جدا الفطور 8 من 10 الغرفه اللي سكنا فيها كانت واسعه واطلالتها حلوة
بشكل عام الفندق جمييل ومرتب واهم ميزة انو في التايم سكوير كنا طالعين نازلين عليه

انا توني راجع من ماليزيا وسكنت فيه رائع ونظيف وقريب من المطاعم العربية والاسواق الموجودة فيه تقفل الساعه 10 ليل وفيه ماكدونالدز

اخي حبيب خلوود
ماهي الفعاليات والأنشطة القريبة من الفندق

هلابك ( aattt)
وبعد الأذن من أخوي ( حبيب خلود ) ...
فندق ( البرجايا تايم سكوير ) يقع ( أخر شارع العرب ) ... وموقعه حيوي ومهم ..
ليست هناك فعاليات تذكر ... وميزته أنه ملاصق ( للمجمع الأسطوري الكبير ) التايم سكوير
هذا المجمع فيه كل شيء ( المحلات والمطاعم والألعاب والأسواق ) ... بصراحة شيء خيالي
وإذا بغيت شارع العرب ... تطلع محطة مونوريل ( إمبي ) ... إلى محطة ( بوكيت بنتانع ) شارع العرب
المسافة فقط ( دقيقة ) واحدة بالمونوريل ... قمة الراحة والسرعة والسهولة في التنقلات ...
أنا بصراحة ( أنوي ) السكن في هذا الفندق في رحلتي القادمة بأذن الله ....