هلا اخوي بوالوليد اتصدق انا حجزت فيه بناءّ على سؤالك عنه من فتره وردت عليك احدى الخوات ومدحتلك اياه ، الصراحه انا حجزت فيه عن طريق موقع البوكينغ دوت كوم على العموم هاي الوصله اتوصلك للفندق عن طريق الموقع ،، جنك السنه غيرت عن قولد كوست ،، على فكره المكان زين بس شوي بعيد عن المارين بلاتز بس بالاندرقراند ماشي بعيد
http://www.bookings.net/hotel/de/arabellasheratonbogenhausen.html?sid=9f9bf83e97619ee86b222c1ac0d83a7a

السلام عليكم
شكرا اخوي هيمان على الرد ,,,
بس شوه سالفة جنك السنه غيرت عن قولد كوست
شوه دراك ......؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
وانت تاريخ كم بتكون في ميونخ ,,, ؟؟

هلا بوالوليد عنبوه نسيتني يارك في الشفرون دوم ايلس وياك في الكوفي الجريب منه ،، لاتقول ماتتذكر هاهاهاهاها لا اسولف وياك الغالي ،، الله ايسلمك كنت ناوي على استراليا السنه وقريت موضوعك في بوابة استراليا بس عقب قلت بغير التغيير زين استراليا سرتلها شهر العسل قبل 8 سنوات قلت خلنا انغير السنه
انا طال عمرك ان شاء الله بكون في تاريخ 10 و11 /8 بس يومين وبطلع على اينفبورغ القريبه من فرايبرغ اللي فيها يورو بارك ، وانت متى ان شاء الله وكم يوم

هلا اخوي هيمان ,,,
بالنسبه لاستراليا ,, من ثلاث سنوات ورا بعض وانا هناك من غير سنتين قبل 2000-2001 ..
بس السنه قلت بغير ,, بنرد اوروبا بس كنت متخوف من الجو ,, لانه سنه 2003 انسلخت في الحر
بس السنه شكله الجو الحمدلله لين الحين يشجع ,, البارحه مرمس اخويه هو في منطقه قريبه من زلامسي نسيت اسمها ,, يقولي الجو بارد وحلو ,,
المهم خلنا من هاي السوالف ,, انا بكون في اوروبا بارك من تاريخ 138 الى 168 ,, بسكن في فندق في الحديقه ,, بس بطلع بسير مناطق قريبه ,, لو عندك خلفيه عن المناطق القريبه ,, انا الي اعرف اقرب منطقه هي ستراسبورغ الفرنسيه تقريبا نص ساعه بالسياره ,,
وميونخ بتكون عقب اوروبا بارك ,,
وانت متى بتكون في النمسا ,, ولا مابتسير ,,,
تقبل تحياتي

1. خالد السويدي


2. مرحبا اخوي بالوليد


3. 1-2 يوم زيارة يوربا بارك


4. 2 يوم لزيارة تيتسي


5. يوم السفر من الغابة السوداء هناك خيارين لديك:

خالد السويدي

مرحبا اخوي بالوليد

انا مابسكن بالحديقه بسكن بمنطقه اسمها اوفينبرغ تقريبا نص ساعه عن الحديقه ،، شوف اذا يالس ثلاثة ايام ترى يومين للحديقه لان اللي اعرفه ان الحديقه ماتخلص بيوم واحد وهذا الشي انا عرفته متاخر وعشان جي سكنت برع بس بعد اقول احسن اذا في الحديقه الواحد بيتاكاسل ايلف ويدور ..
انا ابغي اوصلك للصفحه اللي فيها المعلومات بس كيف احول ذيج الصفحه الى راابط مب عارف بس اذا تبا توصل كل اللي اتسويه اتدخل كلمة يوربا بارك في قسم البحث بنفس هذه البوابه وبتطلعلك مواضيع كثيره اختار منا السكن في يوربا بارك في شباب ماقصروا امدوني ابمعلومات قيمه منهم الاخ سهران وانت امشارك بعد بالموضوع بتلقى وايد اشياء ومزارات قريبه تختار منها الانسب وانا بحاول اذا عرفت احط لك الرابط
انا بكون من 12/8 الى 16/8 وبطير من فرانكفورت ان شاء الله
الظاهر ماعرفت فصورت لك كل اللي مكتوب وسامحني على القصور وتحياتي لك--------------------------------------------------------------------------------
اقدر اقول لك عن المدة الي يمكن تجلس بها بالغابة السوداء من دون ايام السفر:

1-2 يوم زيارة يوربا بارك

2 يوم لزيارة تيتسي

1 يوم ستراسبورغ: عند وصولك للمدينة ستشاهد لوحات: Park and Ride وقف سيارتك بالمواقف واركب المترو الى داخل المدينة.... مواقف المدينة بالخارج كونها مدينة قديمة ومن الصعوبة وجود موقف ويمنع كذلك دخول السيارات الى وسط المدينة.

يوم السفر من الغابة السوداء هناك خيارين لديك:

• توقف بقرية gengenback قرية قديمة وصغيرة تمشى بوسطها وتناول فنجان قهوة بها. http://www.stadt-gengenbach.de/en/tourism/
• او توقف ببادن بادن وأخذ حمام روماني بوسط المدينة : Friedrichsbad
• او التوقف ب karlsruhe بالحديقة العامة بوسط المدينة مقابل محطة القطار لتناول الغداء ... حديقة جميلة

بشكل عام اسبوع مع ايام السفر..... حاول ان تصل مع الظهر حتى يتسنى لك البحث عن مكان للأقامة....
من ناحيتي عادة افضل القرى الصغيرة.... الافضل ان تكون بشمال فرايبورغ حتى تكون بوسط المناطق المذكورة ولا تكون بحاجة الى اكثر من 30 دقيقة للوصول الى أي منطقة
رحلة سعيدة

مشكور اخويه هيمان ,,,
انا ان شاء الله مخلي يوم ازور فيها مدينه ستراسبورغ ,, مدحولي اياها ,, وبعد بشوف المناطق القريبه من منطقه رست ,,,
وشكرا مره ثانيه
تقبل تحياتي

اخوي خالد هالفندق جنبه حديقه ...
وحلو ..
واحسن ما حجزت في المارين لان زحمه وغلفج ومب حلو
هناك !!
مع احترامي لهم!
انا بعد فندقي يوصل للمارين باندر قراند و سياره
المهم ماعلينا
عشان تتواصل معاهم ..(شيراتون)
تقدر تدق عليهم
وهاي رقمهم
Phone: (49)(89) 92640
Fax: (49)(89) 92648699
والجو تراه حلو ..