دايم الغربه
03-11-2022 - 10:56 pm
بسم الله الرحمن الرحيم
السلام عليكم ورحمة الله وبركاته
مثل ما هو العنوان
باذن الله راح يكون زواجي في نهايه شهر 7 هجري
وناوي اقضي شهر العسل برا وكثير نصحوني بماليزيا اكثر من ندونيسيا
اتمنى تساعدوني اولا هل ماليزيا افضل ام اندونيسيا
وغير كذا وش افضل جدول للرحلة لاني بصراحة اتمنى اخلص موضوع السفر من بدري والتفت لغيره
مع العلم باني لا املك بطاقة فيزا ولا انوي اطلع اشوف انه الكاش افضل
ومتى افضل وقت لحجز الطيران
ممكن يكون الوقت بدري بس حبيت اخطط للرحلة من البداية علشان ارتاح
وعلى فكرة هذه اول سفرة لي يعني تحملوني شوي
شاكر لكم
وانتظر ردودكم
وربي يتمم لك على خير .. أهنئك على التخطيط المبكر هذا شيء رائع جداً ليت الجميع يسوي مثلك
طبعاً مافيه مقارنة ماليزيا هي الأنسب لشهر العسل وكل عرسان السعودية تلقاهم هناك
الله يكثرهم ويبارك فيهم
بالنسبة لإستفساراتك
أولاً : لماذا ماتبغى تطلع بطاقة فيزا ؟ إذا علشان خايف إنها حرام .. الآن فيه بطاقات مسبقة الدفع مجازة من العلماء عنددك في الراجحي بطاقة (تسوق) كذا إسمها تقدر تطلعها في نفس اليوم ورسومها 100 ريال لمرة واحدة فقط وعندك بطاقة الأهلي مسبقة الدفع والحجز عن طريق الإنترنت أوفر وأرخص وأضمن من المكاتب السياحية اللي أغلبهم للأسف ..................
بالنسبة للفترة 14 يوم ممتازة جداً وأفضل تقسيم يناسب شهر العسل هو:
2 سلانقور
3 لنكاوي
3 بينانج
5 كوالا
1 بورت ديكسون
واحسب ميزانية في حدود 14 إلى 16 ألف شاملة كل شيء ماعدا التذاكر الدولية
الحجز بالنسبة للطيران كل ماحجزت بدري أفضل لو من الآن أما الفنادق والطيران الداخلي ممكن قبل السفر بشهرين
مع دعواتي لك بالتوفيق ورحلة موفقة وحياة زوجية سعيدة إن شاء الله