الغـــــرادة
05-05-2022 - 12:39 pm
السلام عليكم ورحمة الله وبركاته
ماشاء الله يإخوان ماقصرتوا الله يعطيكم العافيه بس بصراحه حيرتوني ومأدري إيش البرنامج اللي راح
أعتمده في سفري لماليزياوالمشكلة إني مسويه هاالرحلة مفاجئة وهدية لزوجي علشان كذا محتاره وحاسه
إني ضايعة ودي مين ينسق لي هذه الرحلة لإني أبغاها مميزه وخاصة إنها أول رحلة لنا مع بعض وزوجي
ما عنده خبر عن الموضوع وأبغاه يتفاجىءبالفكرة وتفاصيلها أيش رأيكم ألقى مين يساعدني ؟؟؟
على فكرة تقريباً خلصت موضوع الحجز مع إنه إنتظار لكن أخوي وعدني إنه يتصرف ومأدري يمكن أكلف
عليكم كمان في هالموضوع بس لاتخذلوني بليز
على فكرة المدة اللي حددتها للإقامة في ماليزيا هي 16يوم والميزانيه تقريباً 15الف ريال هل تكفي ؟؟؟؟؟؟
ماودي أثقل عليكم بس أبغى شىء خيالي ومحتاجة لفزعتكم ياإخوان وخاصة إنه في هذي الرحله راح يتحدد
مصير علاقتنا مع بعض .
نسيت أقولكم راح تكون معاي بنتي عمرها سنه ونصف. أتمنى لاطولون علي بالرد
وخاصة الأخوان فهد وشعيبي.ولكم خالص الشكر مقدماً.
حياكِ الله اختي الغرادة ونورتِ يا اختي .
يا ساتر يارب الله يجعله خير ...اذكري ربك يا شيخة وان شاء
الله ما يصير الا كل طيب والله يجعل ايامكم كلها سعادة وفرحة .
6يوم يا اختي يعني 15 ليلة .
اجل خذيها :
سلانغور2 الخيول الذهبية
لانكاوي3 هوليدي فيلا
بينانغ4 بي فيو
كاميرون 2 اكواتوريال
كوالا 4 ويستن
ان بغيتِ تزيدي الميزانية خذي بلنكاوي شيراتون بردانا
وببينانغ راس ساينغ شانغريلا .
حيكون دربك ..
سلانغور---طائرة---لانكاوي
لانكاوي---طائرة او فيري---بينانغ
بينانغ---سيارة----كاميرون
كاميرون---سيارة ----كوالا
معكم طفلة الله يحفظها وتتربى بينكم مباركة بأذن الله اجل تقدري
تغيري كاميرون بجنتنغ ان بغيتِ مدينة العاب وملاهي ...لكن اخترت
لكِ كاميرون لانه السفرية هدية لزوجك وترانا الرجال نعشق مثل
هالاماكن ...لانها مرتفعات وخضرة ونسيم عليل ...عاد انتِ ادرى
مني بالتفاصيل الصغيرة ...لو اني اعرف مزاجه كان قلت لك وين تروحين
المبلغ حلو وكافي ...وان شاء الله ربنا يطرح فيه البركة .
شوفي يا اختي مااحد في هالمنتدى ضايع وناسها ترى يفزعون
لاكثر مما تتصورين ...واليوم صارت قصة لعزيز معنا بالمنتدى
بفضل الله ثم بفزعة رجال يخافون الله الان هو بطيارته
ان شاء الله النية موجودة لفزعتك لكن تفائلي بالخير...وحنا
اخوان في الله وبيننا دين يجمعنا ...وماشاء الله تبارك الله
زوجك محظوظ بك ...وانا ادعِ ربنا يرزقني زوجة طيبة وتفكر
في مثل ما فكرتِ بزوجك .
تراني انتظر ردك اختي ...وكلنا في الخدمة اختي .
ولك كل تحياتي وتقديري والسلام عليكم