السلام عليكم ...............
كيف الحال ياراعي ختات ...............
موقف المطار ياخذ عليك بالساعة 2
موقف الحرم ياخذ عليك بالساعة 1
يعني مالك غير حل واحد انك توقف السيارة عند بيتي .....................

صافي النيه
هلا والله اخوي صافي النية .. وعليكم السلام ورحمه الله
مواقف المطار تقريبا بياخذ 500 ريال لو حسبتها .. والحرم نصها ..
اتوقع اقدر اتخلص من دفع هالمبلغ لو فيه مواقف عامة مفتوحة وتصير كبيرة وروادها كثير .. يعني ماحد ينتبه لطول مدة وقوف السيارة .. عموما السيارة نفسها ماتستاهل اللي يخاف عليها .. بس ابي شي يرجعني للديرة
وفكرة بيتك ترى مو مستبعده .. بس بشرط توصلني للمطار

مرحبا
اخوك دايم يسافر من جده وهو من مكه والسفر بعض الاحيان يوصل اسبوعين
اذا رجعت من السفر أرمي كارت الدخول وادفع ضريبة فقدانها ب 50ريال فقط
مدري كيف الوضع عندكم

الحل عندي
توقف سيارتك في معارض السيارات كأنك بتبيعها وتقول لصاحب المعرض إذا جابت السعر الفلاني ( وتكون مبالغ فيه بزياده ) بيع وغير هالسعر لا تتصل على
وأن شاء الله ترجع من سفرتك وتحصل سيارتك بالحفظ والصون أو مبيوعة بسعر يفرحك
على فكره جربت هالطريقة في معرض النسيم بالرياض وكانت فكره ممتازة لآن السيارة كانت تتنظف بأستمرار
وبعد ما جيت أعطيت صاحب المعرض 100 ريال وأخذت سيارتي
وكانو راضين ولم أخسر كثير 100 للمعرض + 100 ذهاب وعودة للمطار

C r u ! s e
اهلين والله .. والله فكرتك جهنمية .. واتوقع تنفع في مواقف الحرم .. اما المطار فأتوقع ماتمشي عليهم هالحركات
واتوقع يسجلون وقوفك برقم لوحة السيارة ..
بس والله جبتها في الصميم .. اوقف بالحرم واذا جيت اضيع فاتورة الدخول وخله يحسب بديه ورجليه

sama07
اهلين والله
عاد انا فاضي اوصل المدينة واروح ادور معارضهم ومن المعارض ادور تكسي .. واوقف سيارتي بمعرض وكل يوم جاي واحد يجربها وياخذ لفه عليها ..
بيني وبينك افكر احيانا اوقف عند احد المحلات اللي بالطريق الدائري بطريق الخدمة .. سبق وسويتها بالرياض اسبوعين محد طق خبر

السلام عليكم جميعا
عندى فكره زينه
عندك قبل المطار مستشفى المواساه تعمل 24 ساعه
والباقى عندك
بالتوفيق

ياسر 99
اهلين والله .. لاخلاص انحلت المشكلة حصلت واحد بيوديني للمطار من الديرة وافتك من وجع الراس كله