احساس)
06-12-2022 - 01:09 am
بسم الله الرحمن الرحيم
السلام عليكم ورحمة الله وبركاته
اشكر جميع الاخوان والاخوات على مايبذلون من جهودهم بمساعده اي شخص.
اطلب من الله ثم منكم ان تساعدوني.
واعذرا على اي ازعاج.
بإذن لله اذا الله كتب لي السفر الى كندا لدراسه اللغه الانجليزيه في احدى المعاهد في كندا.
عندي مجموعه اسئله.
1-أفضل معهد لدراسه اللغه.
2-كيف الوضع الحياه.
3-ايهما الافضل السكن مع العائله واما لوحدي في شقه وكم تكلف السكن مع العائله او اذا كنت لوحدي كم تكلف راح اجلس لمده سته شهور.
4-كم يحتاج لي مصروف شهري.
5-كم راح تكون تكلفه التذاكر الطيران والسكن والدراسه والمصروف الشخصي...يعني كم راح تكلفني السفره لمده سته شهور.
6-لايوجد عندي لغه انجليزيه هل راح استفيد اذا رحت هناك ولاالا لاني سمعت من اشخاص انهم مايعرفون شي في اللغه بس راحو هنااك افهمو اللغه على اصولها هل صحيح الكلام ولالا.
7-اجراءات استخراج الفيزا وكم مده الاستخراج الفيزا المتطلبات عند الاستخرااج الفيزا.
ارجوا من الله ثم منك ان تساعدوني.
وخذو راحتكم.
اناا متأأأسف جدا على الاسئله من جدد راح اتعبكم معي انا اعتذر وارجو من الجميع ان يتقبلو عذري.
الله يوفقكم يارب ويسعدكم ويحفظكم ويسر امركم يارب.
تقبلو تحياتي.
اخوكم/احساس)
الدراسة في كندا
السلام عليكم ورحمة الله وبركاته
اخي احساس ابحاول اجاوبك على قد معرفتي وان شاء الله يتفاعلون معك بقية الاعضاء ...1- بالنسبة لافضل معهد انا من خلال تجربتي ما انصح ابداً بالمعاهد التجارية وافضل المعاهد اللي تكون تابعة لجامعة او كلية مثل VCC كلية المجتمع أو UBC جامعة بريتش كولمبيا رغم سلبيات كثرة العرب هناك وهذي السلبية ممكن انك تتغلب عليها بنسيان اللغة العربية وتحاول تعتذر عن اي دعوة من صديق يتحدث هذي اللغة .
رابط كلية المجتمع
http://www.vcc.bc.ca/programs-courses/detail.cfm?div_id=5&prog_id=65
رابط معهد جامعة بريتش كولمبيا
http://eli.ubc.ca/iep/index.html
2- بالنسبة للوضع والحياة جداً ممتع رغم ان اول شهر جتني حالة اكتئاب شديدة وهذا طبيعي ويختلف من شخص لاخر .3- السكن مع عايلة ممتاز ومفيد لك بالنسبة لممارسة اللغة خاصة اذا طلبت عايلة كبار في السن ، يكلف السكن مع عايلة 780 دولار كندي تقريباً مع 3 وجبات ( سعر صرف الدولار الكندي 3,35) - نصيحة اذا جيت تطلب سكن اطلب في شمال فانكوفر انتبه من الشرق ، بالنسبة للشقة انا ماجربتها لاني كنت مرتاح مع العايلة بس ممكن انك تسكن مع عايلة لمدة شهر او شهرين وبعدين تتفق مع زملائك في المدرسة انك تاخذون شقة ومثل ماوصيتك ابتعد عن العرب او اللغة العربية (اختار الاسهل)
4- بصراحة السؤال هذا صعب الجواب عليه لكن بقولك التكلفة الاجمالية بالسؤال اللي بعده ، لانه يختلف من شخص لاخر انا على فكرة ماكنت اطلع من البيت الا ايام الاجازة الاسبوعية يوم السبت والاحد بس ، باقي الاسبوع مذاكرة والا سوالف مع العايلة .
5- الطيران شفتها قبل شوي على البريطانية من الرياض بسعر 5700 وعلى اللوفنتهانزا 6000 ريال ، السكن جاوبنا عليه في فقره 3 ، الدراسة 5703 دولار كندي لمدة اربع شهور في ال يو بي سي ، انا كلفتني الدراسة مع السكن والمصروف الشخصي والتذاكر 50000 ريال لمدة خمس شهور .
6- كله يعتمد عليك ، صدقني انت اللي بتساعد نفسك لانه وانا اخوك فيه فرق بين واحد يطلع من المعهد ويروح البيت يحفظ له كلمات جديدة ، وبين واحد يروح يلعب بلوت , وراح تشوفهم بالمقهى الايراني بشارع جورجيا ...بس 6 شهور راح تكون كافيه لواحد مجتهد وبترجع لغتك اكثر من ممتازة بأذن الله .
7- اجراءات الفيزا جدا سهلة وتقدر تتصل بمكتب ارامكس ويفيدونك بكل شي ، بس الاهم انك تبدا تراسل المعاهد وتجيب منهم قبول وبعدين تجهز اوراق الفيزا حسب مايقولون لك ارامكس .
صدقني كلها سهلة وتبي منك شوي مجهود ويكون فيه احد قريب منك كويس باللغة علشان يقدر يراسل المعاهد ويخلص امورك ....
اذا عندك اي سؤال انا حاضر وان شاء الله الاعضاء ماراح يقصرون ...واقبل عذري على الازدواجية بين الفصحى والعامية ....
اخوك ابوتركي