اخوي متعب السفر وحدك يلزمك رديف هناك وصراحه حلو هو لكن مهما كان راح تمل :: انا انصحك تشوف لك واحد من ربعك وسافر معاه:: ال4000 بدون بالي تكفيك 10 ايام ان شاء الله ومع بالي اتوقع والله العالم اسبوع

اهلين اخوي
اتوقع 4000 ريال ولوحدك ماتكفي 5 ايام يعني لوتحسبها سكن مناسب وسائق واكل وشرب ورسوم دخول للحدائق وفيزة دخول وضريبه العوده لاتنساها ........الخ
والاهم انك اول مره تسافر يعني ماعندك خبره بالبلد ..ترى السفر ولبلد بعيد يبيله يكون معك رفيق اومبلغ احتياط لاسمح الله لو احتجت شي فحاول تبحث عن رفيق لهذه الرحله يسليك ويشاركك في المصاريف والله يسهل دربك.. يمكن تسمع انها بلد رخيصه لكن تعرف لمين للمحترفيين والعارفيين البلد اكثر من اهلها مع توقعي ان اندنوسيا بدت الاسعار ترتفع بها بالفتره الاخيره
تحياتي ورحله سعيده

مرحبا اخوي متعب
مثل ما قالو الجماعة السفره لحالك لبلد ما تعرفه راح تكون ممله انا مسافر لحالي بالعيد بس جيتها قبل كذا مرتين
وعندي خبره لابأس فيها ومع هذا ادور خوي ان حصلت خير على خير وان ما حصلت رحت لحالي واعتمدت على خبرتي

انصحك بالتريث شويه حتى تلاقي لك خوي لأن البلد تصلح شبابيه بس مع شله شباب على قلب واحد
والبلد صحيح امان وماعليك الا العافيه شعب حليو ومبتسم دائما وماعنده اي مشاكل مع السواح
بس ترى 4000 ريال ولوحدك تراها ماتكفي الا لمدة 5 أيام تقريبا
حاول تلاقي لك اصحاب وتوكل على الله معاهم وراح تكفيك 4000 ريال ولمدة 15 يوم
لأن راح تشتركون بالسكن والنقل والاكل وغيره
تحياتي