السلام عليكم ورحمة الله وبركاته
وكل عام وانتم بخير يا اعضاء ومشرفين ..
حاب اخذ رايكم في هالبرنامج لرحلتي العائليه لماليزيا .. وعندي بعض الاستفسارات ..
(( انا و زوجتي الغاليه ... وطفلتين 3 سنوات ونص و سنتين))
الوصول لماليزيا 19 سبتمبر المغادره 3 اكتوبر 2011
البرنامج :-
3 ليالي كوالا فندق تريدرز ديلوكس عالبرجين (( وممكن اخلي الاطلاله على البلد))
5 ليالي لنكاوي فندق موتيارا بوراو كابينه على البحر
ليلتين سلانقور فندق امباير
4 ليالي هنا احتار البطل في الفندق (( محتار بين دورست ريجنسي او تريدرز او رويال شولان ))
دورست ريجنسي عاجبني انه اقتصادي وانا مركز على الاقتصاد في الرحله بس اللي عدم وجود النت واحس انه هو الخيار الانسب لي ..
التريدرز اعشق هذا الفندق لان لي ذكريات حلوه معه .. وعاجبني ان النت مجاني فيه بس بعيد شوي عن شارع العرب وكمان التغيير حلو ..
رويال شولان روعه على حسب اقرأت بس النت غير مجاني وهو قريب من شارع العرب ..
وياليت تعطوني رايكم ؟
ملاحظه :- اسباب اختياري لكوالا ولنكاوي فقط
1- لاني زرت ماليزيا قبل 5 سنوات وكان برنامجي كوالا - بينانق - لنكاوي - كوالا وما عجبتني بينانق نهائيا .
2- فكرت بأني اروح لصباح وقرأت عنها وعرفت ان طبيعتها زي لنكاوي مع ان الخدمات في لنكاوي افضل .
3- جنتنق خصصت لها يوم كامل ما يحتاج اسكن فيها ...
4- كاميرون بعيده وطريقها متعب لان معي اطفال ومافيها الا شلالات ومزارع شاهي وفراوله ..
5- رحلتي للأستجمام وليست لزيارة اكبر عدد من المدن
6- بوردكسون ما اتحمست لها لاني معي اطفال واخاف اخذ فله بمسبح خاص ونغفل عنهم انا والمدام ويصير فيهم شيء لاسمح الله ..
واستفسار بالنسبه للفنادق .. هل يسمحون بسكن اكثر من طفل في نفس الغرفه والا هناك شروط , واذا فيه معلومات عن الافطار هل هو مجاني لان الطفلتين 4 سنوات واقل ..
ولكم تحياتي