باركولي طلعت الفيزا الهرجه طلعت مره سهله
اول شي رحت للقنصليه في جده ومعايا طلباتهم :
فيزا سياحيه مستعحله لمده شهر
1- صوره من جواز السفر
2- صوره من الهويه الوطنيه
3-خطاب تعريف بالعمل والراتب ( مايحتاج ختم الغرفه التجاوريه ولا العمده ههه)
4-كشف حساب بالراتب قالو ثلالث شهور انا جبت خمسه.
5- في ابليكيشن تعبوه انا لمن رحت اتورطت وصفولو محل اخذ منو الابليكيشن لكن طلع واحد ابن حلال اعطاني ورقه زايده معاه .
6- قيمتها 330 ريال . انا قدمتا يوم الاثنين 26 سبتمير قالو الاستلام يوم الربوع 29 سبتمبر
تره لمن تروحو تلقو عند البوابه مصري وهندي تراهم نصابين انتبو انا فهمت الهرجه من الاخر راح احكيكم ههه
يا حبايبي اول ماوصلت طبعا القنصليه تفتح الساعه 9 فتح الباب واحد هندي وسار يقول اسامي انا مني فاهم الموضوع ايش الاسامي دي هما مسجلين قبل او من النت المهم خلص الاسامي انا كنت اخر واحد مع كم شخص المهم دخلنا قابلنا واحد مصري اخلاقو مره معصبه وسار يوزع ارقام المهم الابليكيشن الي اخذته مني عارف اعبيه لان ماعندي قلم فرحت للرجال المصري فقالي وهوا متنرفز اعبيلك بعشره ريال عاوز ولا مش عاوز ههه قلت عاوز ياعم يالله ياوديع ههه. المهم اكمل رقمي كان 20 وفي الشاشه الرقم 88 يعني انا بعد الميه , والدنيا مره زحمه وتخيلو من 9 الين عشره ونص الرقم دوبو سار 95 انا حتجنن والعمل بس يتصلو المهم شايف المصري يعطي ارقام من تحت لبعض الناس , فقلت خليني اشوف الهرجه فرحت للرجال فقلتلو زبطني ازبطك ههه غمزلي وقالي لو قلتلي من اول يا عم كنت زبطك بس عندي رقم حاليا 15 قلتلو ايش الفايده انا 20 قالي ولله برحتك بس لو جيتني من اول كنت زبطك يعني افهمو ياجماعه الي مو طايق الصبر يروحله ههه المهم نكمل اكتشفت ان الاسامي الي انقالت في الصبح طلعو الناس الي امس راحو وجات الساعه 12 ومامشيو فياخذو اساميهم وبكره لهم الاولويه الدخول بدري ههه يعني الشغله مافيها لعب الساعه سارت 11 والرقم دوبو سار 100 ولله ياحبايبي شفت واحد ابن حلال رقمه 101 قلتله بالله يا عمي لو تتكرم بس قدم معاملتي معاك ولله الرجال ماقصر ومشيت الامور احم احم حركات ولله ههه المهم وانا خارج جاني المصري قالي ها يا عم زبط نفسك ها العشره ريال فينها تره في زمتك قلت ولله حعطيك هيا بس اصرف مامعايا غير ميه ههه المهم قالي طيب هات رقمك خليني ابيعو ههه قلتلو لا ياحبيبي تبغى الرقم بعشره ريال ههه قال ااه بس خلاص ياعم هات الرقم ههه
تره حتسمعو ناس متشائمين كثير الي حيقولك لازم دعوه تقولو سياحه يقولك لازم دعوه واحد قلي لازم رصيدك يكون فيلو 20000 اقولو معقول يقولي كم في رصيدك اذا اقل يالله اتكل على بيتكم يعني حتسمعو من اشاعات المتشائمين كثير ههه لكن اسمعو من هنا وخرجو من هنا واتكلو على الله وروحو