vbmad
06-02-2022 - 02:27 am
السلام عليكم
الحمد لله اليوم رحنا البحرين وطلعنا فيزة الصين
تقريبا ثلاث ساعات فقط واستملنا الفيزا
للافادة:
موقع السفارة في الجفيرا
بعد ماتدخل البحرين خلك متجه لوسط البحرين مع العلامات الارشادية
راح تشوف بعدين علامة كبيرة مكتوب عليها المنطقة الدبلوماسية
خلك ماشي وراح تلاقي بعدين شارع مكتوب عليه الجفيرا
ادخل هذا الشارع وامشي تقريبا اشارتين أو ثلاث اشارات
المهم راح تشوف السفارة في جنب أحد الاشارات علي يدك اليسار وطبعا علم الصين موجود وراح تلاحظها مضبوط
الرسوم للفيزا المستعجله
4دينار بحريني - طبعا الدفع بالعملة البحرينية وممكن تحول الريال السعودي من اي محطة بنزين او من احد المجمعات. وطبعا الدفع يكون بعدين وقت اللي تجي تستلم الجواز مع الفيزا
المتطلبات:
صورة شمسية، تعبئة الفورم، تعريفة من العمل
الاجراءات جدا سهلة
والموظفة اللي موجودة عربية ونصوحة واجد
وطلبت مني اخلي الفيزة بسنس بدل ماتكون سياحية وقلت ليها هل فيه اوراق تحتاجوها قالت ماعليك اهني كل شئ يمشي عندي... خليها بسنس علشان لو بغيت تشتري بضاعة مايعطلونك
السفر ان شاء الله الخميس القادم
دعواتكم
وبالتوفيق
