Fleming's Hotel München-City
يبعد 700 متر عن السنتر وانا لا افضله
Mercure München City Center
يبعد 500 متر واشوفه خيار ممتاز
Mercure Hotel München Altstadt
يبعد 500 متر ولكن لا افضله

الف شكر على ردكم السريع
لكن نسبة الأفضليه على ايش

من ناحيه الاثاث وقربه من السنتر والكثير من الاعضاء جربوه وتقيمه 4 نجوم والنقاط 8.3
اما Mercure Hotel München Altstadt
3 نجوم ومره جربته وكان المكيف مش ولابد وشوف تقريره بتوقيعي وتقييمه 8
اما Fleming's Hotel München-City
4 نجوم ولكنه ابعد وما قد قرات تجربه لاحد الاعضاء فيه

بنت حواء الف شكر على تفاعلك
تم الحجز بناء على كلامك لعدد غرفتين وحاب اعرف اكثر عن
المناطق القريبه من الفندق واللي ينصح بزيارتها.
والأسواق القريبه وأفضلها وأوقات عملها
لأني حاب ارتب جدولي لأن مدة اقامتي يومين(الأحد والأثنين)
وياليت تزوديني بإحداثيه الفندق لأن السياره راح اسلمها يوم الأحد 9 مساء بمكتب سكست بميونخ.

ما اعرف الاحداثيات ابدا
لكن يوم الاحد ما عندك الا الحديق الانجليزيه والاولمبيه لان الاسواق تقفل او تروح الى قارمش تبعد 90 كلم
ولازم تنتبه انه يوم الاحد اجازتهم واذا كان الجو مشمس لاتحاول تروح لهالحديقه لانه الاوضاع راح تكون مش ولابد وغالبا يتشمسون
او اختار اخر العصر لما يبرد الجو
ويوم الاثنين روح للساحات من الترام او المترو القريب من فندقكم اسمها كارلز بلاتز ومارين بلاتز وماكسيميليان بلاتز كلها متصله ببعض وانزل بمحطه كارلز بلاتز وامشي فيها الين اخر ساحه
هل تاكدت انه مكتب سكست راح يكون فاتح يوم الاحد الساعه 9 بالليل ولالا؟؟
ويفضل اذا بتسلم السياره يوم الاحد تروح من الصباح الى قارمش وتقضي اليوم هناك وترجع على الساعه 7 او 8 وتروح تسلم السياره