مرحباا..
ابغي مساعدة من اخواني اللي يعرفون المانيا اوكي
ابغي اسافر المانيا مدة 10 أيام..
اذا حد منكم يعطيني مخطط لعشر ايام
تفضل ها الرابط للاخت ساره2007 وجمعت فيه المناطق اللى تقدر تزورها فى ميونخ اضغط هنا
ويقولي وين اسكن ..
الفنادق فل فى ميونخ بس ان شاء الله تلقى غرفه ..والافضل تسكن قريب من المارين وهذا رابط لفنادق ميونخ الاخت غدير اضغط هنا http:/https://artravelers.com
بس بغيت منطقة نروم نطلع منها على فرنسا عشان اروح ديزني ( اروح الصبح وارد الليل)
لان الكل قالي المانيا ارخص..
بسافر انا وزوجي وو الميزانية يعني فحدود ال20,000
ديزنى بعيده..ليش ما تروحون اوروبا بارك فى المانيا 350 كلم عن ميونخ مع مبيت ليله فيها

أختي أنا حاليا في ألمانيا
مخطط عشرة أيام ممكن يكون كالتالي:
توصلون بالسلامة لفرانكفورت
وتستاجرون سيارة معها Gps بتكلفكم 10 أيام 1200 يورو
تسكنون في كارلسروه مدينه تبعد عن فرانكفورت ساعة ونص
ومن كارلسروه تقدري اتسوي برنامج ثلاثة ايام:
1- اتزورون هايدلبرج
2- اتزورون ستوتقارت - فيها اسواق وآوتلت مول
3- اتزورون يوربا بارك تقريبا 90 كلم
4- واذا معاكم اطفال في برضو ملاهي ثانية قريبه
وبعدين تطلعين على سويسرا لانها قريبه حول 200 كلم وتقضي فيها يومين
ومن هناك تطلعين على ميونخ وهم تقضي فيها 3 ايام او اربع
من كارلسروه تقدري تطلعي بالقطار على باريس
انا ساكن في كارلسروه حاليا واذا احتجت تفاصيل اكثر في الخدمة وتوصلون بالسلامة

اخي روح الامارات طالما ان ميزانيتك محدوده وتريد الذهاب ليورو دزني بباريس ومدة اجازتك 10 ايام فانا اقترح عليك هذا الجدول :
الاقامه في بروكسل لمدة 5 ايام عن طريق طيران الاتحاد ويتخلل الاقامه في بروكسل رحله الى يورو دزني ( يوجد قطار مباشر من بروكسل الى يورو دزني وتستغرق الرحله 1.20 دقيقه تقريبا ) بالاضاف الى يوم لزيارة كولون ويوم اخر لزيارة دوسلدورف ( مدن المانيه قريبه من بروكسل قرابة الساعه والنص يعني تروح الهم الصبح وترجع بالليل ) ويوم تقضيه في بروكسل وتقوم بهذا اليوم بالركوب في الحافله المكشوفه الموجوده بالقرب من محطة السنترال استيشن وياخذك جوله على اهم معالم بروكسل السياحيه ومن ثم الذهاب لحديقة الويلي بي ، واذا حبيت تطول المده في بروكسل يمكنك الذهاب لمدينة بروج البلجيكية والمشابهة لفينيسيا الايطاليه (رائعه ) ، كما يمكنك ان تخصص يوم كامل من الصباح وحتى المساء لزيارة باريس وذلك عن طريق حجز تذكره من محطة القطارات ببروكسل ذهاب واياب لباريس والنزول في محطة القطارات بباريس والتوجه مباشره لمحطة الجاليري لافييت عن طريق المتر للركوب الحافله الحمراء المكشوفة الموجوده بالقرب من المجمع التجاري والذي يقوم باخذك في جوله سياحيه على ابرز معالم باريس (برج ايفل - الشانزليزيه - قوس النصر - متحف اللوفر ... تقريبا تسع محطات ) وتعود مساءاً الى بروكسل ، اما بقية الايام فتسكن فيها بميونخ وتذهب لها عن طريق القطار (اعتقد مدة الرحله 8 ساعات بالقطار ) ..... على العموم اذا حبيت الفكره انا حاضر بتزويدك بادق التفاصيل .
ملاحظه هامه :
تعتبر فنادق بلجيكا من ارخص الفنادق في اوروبا .
تحياتي

روح _الإمارات
وين سرت ليكون هونتم عن السفر
على فكرة 20 الف ميزانية معقولة تخليكم تستانسون
وفي الخدمة اذا احتجتم اي مساعدة في الحجوزات

روح _الإمارات
شكلهم هونوا
بس على العموم مازال العرض قائم

السموحة ما قدرت أرد لظروف خاصة..
المهم ألف شكر لكل من ساهم وساعدنا..
انا بسافر شهر 11 اخوي المتفيج ممكن تزودني بادق التفاصيل بالضبط ..
على فكرة كيف الجو بشهر 11 ؟

بالنسبه لشهر 11 الجو يكون من 9 درجات نهارا وحتى 4 درجات ليلا تقريبا .
وهذا موقع لدرجات الحراره في بروكسل على مدار العام يمكنك الرجوع اليه
http://www.worldweather.org/053/c00191.htm
طبعا انا حاضر وراح ازودك بكل الي تريده ( على فكره انا بعد عشرة ايام بكون في بلجيكا ) بس عندي بعض الاستفسارات اتمنى تجاوبني عليها علشان نتوكل على الله ونعمل البرنامج

• تحديد مدة السفره كامله وعدد الاشخاص :
• هل المبلغ الذي سبق ان ذكرته يشمل السكن والتنقلات والرحلات والمصروف اليومي ام ماذا بالضبط ؟
• الدول التي تود زيارتها والاقامه فيها ؟(نصيحه اذا تريد توفر اجعل اقامتك كلها في بروكسل واجر سياره او خذلك بطاقة يورو سيلكت باس ومنها انطلق كل يوم لدوله مثل فرنسا يوم لزيارة الشانزليزيه ويوم لوكسمبورغ ويوم لبروج ويوم ليورو دزني بفرنسا ويوم لدوسلدورف ويوم اخر لكولون ويوم تزور بروكسل عن طريق الباص المكشوف بالاضافه الى الذهاب لحديقة الويلبي ببروكسل ..... على العموم الجدول لاحقين عليه بعدين بنرتبه )
• وسيلة التنقل (سيارهراح تكون اوفر طبعا - قطارات ) يعني عندكم مشكله تاجرون سياره او لا ؟

ام اتوقع تقريبا سالتك اهم الاسئله الضروريه الي بناء عليها بنبدأ نحط الجدول .
تحياتي

الاخوان ماقصروو كفو ووفو
اتمنى لج رحله موفقه وسعيده
ومن اجمل مدن المانيا ميونخ الله عليها وعلى جوها صدق حياه وحركه ماتنمل
تحياتي العطره
اختج
الامارات

انا ابي اطلع على باريس انا حاليا ببروكسل بس مادري شلون يعني وين محطة السنترال ستيشن الي احجز منها وكيف اروح لها لأني اول مرة اجي على اوروبا لا واللغه الله بالخير بعد يعني كملت.واذا طلعت على باريس يوم واحد طبعا كيف ؟ يعني لو ماعليكم امر ابي شرح بالتفصيل خطوة خطوة.وماعليش راح اتعبكم معي.