زااراا
03-09-2022 - 06:42 pm
السلام عليكم ورحمة الله
إخواني ,خواتي
قررنا ( قرار مبدئي ) نسافر الأردن أول نوفمبر ...
1 - بس إشلون الجو هناك .. أتمنى ما يكون بارد حيل كم تقريبا درجة الحرارة أول و نص الشهر ؟
2 - هل ناخذ معانا ملابس شتوية وثقيلة جدا أو شتوية ربيعية لأني سمعت إن ينزل فيها ثلج بس مادري متى بالضبط ؟
3 - راح أسافر آنا وزوجي بإذن الله وحابين نسكن في جبل عمان بين الدوار الأول إلى السابع يعني وسط عمان مو بعيد عن هالأماكن .. فهل تنصحوني بشقة فندقية أو فندق للسكن 6 أيام فقط ؟
4 - هل أجد سكن ب 50 دينار أردني ويكون نظيف جدا وموقع ممتاز ؟
آنا رحت الأردن سنة 2004 شهر أغسطس وكان الجو هناك حلو وبالليل أحيانا برد خفيف ..
وسكنت بفندق والله نسيت إسمه كان جديد وثلاث نجوم ويقع في شارع مكة ومكانه كانت السفارة الأمريكية سابقا ... مقابل فندق الإنتر كونتينانتل
قعدنا 4 أيام روعة أتمنى أكرر التجربة وأشوف أماكن أخرى بالأردن ماشفتها
أتمنى أحد يفيدني وعساكم على القوة
إختكم زارا
بالنسبة للشهر اللي ذكرتيها تبين الصراحة ما اعرفه وبيني وبينك ما ودي اتعرف عليه
لأني عربي ما اعرف غير الشهور العربية ويمكن تقولي لي الميلادي اوضح وادق لكن برضوا ما ودي اتعرف عليه
عطيني ما يقابله بالأشهر العربية اعطيكي الجواب الأكيد
لكن على العموم فصل الشتاء قرب يدخل علينا ويا هلا ومرحبا فيه ويا حبي له
لذلك اذا سفرتكم بالأشهر الجاية الملابس الشتوية والثقيلة لابد منها
ومع ذلك ترى بردهم يا حليله وابن حلال ما يعض
ما هو زي بردنا قارس وناشف واذا صك الواحد بالعظم يخليه من صيد قبل امس
بالنسبة للسكن
انا الفنادق زمان ما سكنت فيهن لذلك خبرتي وخلفيتي عنهن قليلة
واذا تبين اسألك عن الأفضل ابشري حاضر
لكن هذي شقق حلوة ومكانها حلو واسمها بعد حلو
حلا عمان
ت 5330095 _ 5350041
جوال 0795501222
اخبر سعرهم 60 دينار لكن بالأشهر الجاية السياح قليل ومؤكد ان سعرهم راح يقل شوي
وهي تقع على شارع الجامعة الأردنية بس ما هي على الشارع داخلة جوا شوي
بعيدة عن الزحمة ومرتفعة وباردة ونظيفة
وفيه حل لمن ارد ان يسكن في فندق فخم وهو
ان يستأجر عن طريق مكتب سياحي
لأن المكاتب لهم خصم عند كثير من الفنادق وهالخصم هذا ما يأخذ اي شخص إلا اذا جاء عن طريق مكتب
واذا تبين معلومات اكثر ميلي على هالمواضيع والبرامج راح تستفيدين منها
https://artravelers.com/p/re/213198
واتمنى لكم رحلة جميلة وممتعة وموفقة