السلام عليكم
اسعد الله اوقاتكم بكل خير
لا داعي للمدح او الإشادة بهذا الموقع ..
والشكر للقائمين عليه والاعضاء اللي فيه جزاهم الله كل خير
انا مسافر بدايه شهر خمسه ميلادي يعني بعد تقريبا شهر او اقل دراسه في شن زن ومعلوماتي سطيحه عن الصين وتابعت بعض المواضيع والردود وخاصه الأخ ابو ضرار جزاه الله خير استفدت من ردوده على بعض الاسئله
الهدف والمهم ..
شنو تنصحوني فيه إذا كان جدولي اليومي دراسه اربع او خمس ساعات الصبح ..
وايام الويك آند اجازه ولا اعرف طريقه الويك آند هل هي الجمعه والسبت او السبت والأحد ولكن الأهم انه يوجد يومين في الاسبوع اجازه ..
هل تنصحوني بزيارة لبعض المناطق وهل يومين تكفي للتجول او السياحه خارج شن زن ؟؟
وهل اقدر اسافر تايلند او الفلبين .. ؟ للسياحه يومين وارجع .. ؟؟ وهل السفر لهالدولتين عن طريق الصين سهل وممتع او صعب ؟؟
شنو نصايحكم شلون اسوي جدولي مع اني ما املك معلومات كثيره عن مناطق الصين ولا اعرف هل توجد منطقه قريبه من شن زن او لا ؟؟ والفتره طويله ..
وبالنسبه للمصروف هل يفضل اني اصرف الفلوس قبل اسافر كلها واوديها معي او يفضل اخليها في حسابي وهل البنوك اللي في الصين دوليه اومحليه ..
واذا كان هناك بنك دولي معروف في الصين بإمكاني فتح حساب لي في دولتي قطر بنفس الفرع واودع المصروف فيه
ياليت الاخوان اللي موجودين يفيديوني
وجزاكم الله خير