بسم الله الرحمن الرحيم
السلام عليكم ورحمة الله وبركاته ..
أنا عضو جديد ولكني متابع لتقاريركم من فترة ليست بالقصيرة وقرأت تقارير كثيرة جداً
بما أني مخطط لشهر عسل في دولتي ماليزيا و أندونيسيا ، فأخترت أن تكون في جزيرة بالي
نصحوني فيها أصحابي اللي راحوا هناك .. وقالوا لي مكان مناسب جداً للعرسان وروعة
المهم اني عزمت أقضي في جزيرة بالي 5 أيام وأحتاج مساعدتكم في بعض الأشياء ..
رحلتي إلى جزيرة بالي راح تكون في تاريخ 8 أكتوبر 2013 إلى تاريخ 12 أكتوبر 2013
وإن شاء الله راح تكون من أفضل الأيام بمساعدتكم طبعاً ..
يا شباب بما أني قاعد أرتب الجدول لسفرة بالي .. أحتاج منكم أفضل الأماكن السياحية في بالي
وقد وصلتني أماكن سياحية ممتازة عجبتني واجد وحبيت أزورها واستمتع فيها ..
الفندق اللي راح أسكن فيها للآن ما حددته ، ف ودي أشوف نصائحكم بخصوص الفندق
الفندق اللي أبغى أسكن فيها ما أبغاه يكون بعيد كل البعد عن كل المناطق السياحية ..
يعني أنا راح أقضي 5 أيام .. 4 أيام منهم ودي أروح أماكن سياحية ، ولا أبغى ال 4 الأماكن السياحية
تكون بعيدة عن فندقي .. يعني لو كانت 3 أماكن قريبة و مكان بعيد ما فيه مشكلة ، أو مكانين قريبين ومكانين بعيدين برضو ما فيه مشكلة ، ف هنا احتاج مساعدتكم بخصوص الفندق والأماكن السياحية اللي أبغى أزورها
الأماكن السياحية اللي مصمم وبقوة أني أزورها وهي :
1- غواصة Odyssey
2- رحلة التجديف Rafting
بس ودي اتأكد قربها من بعدها عن الفندق اللي راح تعطوني إياه أبغاها تكون قريبة منه
وأبغى أماكن سياحية أكثر في جزيرة بالي تستحق الزيارة ونقدر نستمتع فيها ..
أتمنى مساعدتكم أخواني .. وأجركم على الله ،،
تحياتي ،،