:smile002: أولا... وقبل كل شي ...أحمد الله وأشكره على توفيقه لنا في سفرتنا الى ماليزيا ...فله الحمد وله الشكر
ثانيا.. أشكر هذا المنتدى من أعضاء ومشرفين الي لهم الفضل الكبير بعد الله بنجاح سفرتنا هالسنه فلكم كل الشكر
بداية هذا أول تقرير لي بالمنتدى...فأتمنى انكم تساعدوني... وماتبخلون علي بتوجيهاتكم ونصايحكم
وأحب أوضح بعض النقاط عشان تكونون بالصوره يعني .... سفرتنا لم تكن مرتبه بتاتا البته يعني تخيلو
سافرنا من غير حجوزات فنادق ولا طيران داخلي ولاهم يحزنون:baaa2: ....وراح تعرفون السبب ليش ؟؟؟؟؟؟
وبالنسبه للصور كانت بواسطة جوال زوجي ان95 فاعذروني اذا ماكنت واضحه وبتعرفون السبب بالتقرير؟؟؟؟
بسم الله نبدأ رحلتنا الى أسيا الحقيقيه
:50055:في البدايه كنا مخططين نروح لماليزيا أنا وزوجي من قبل سبع سنين ...يعني بشهر العسل ....لكن
بسبب ضروف تكنسلت السفره وقلنا خيره ....وبنعوضها بالسنين الجايه ....وكل سنه مدري وش يصير:112:
ونغير وجهة سفرنا من ماليزيا الى الدول العربيه (تخيلو):baaa2:عاد يوم تعرفت لهالمنتدى شدتني بوابة ماليزيا :suprise:....وبديت أحن على راس زوجي....
وأذكره بشهر العسل الي نساه...أعجبته الفكره ووكلني ترتيب السفره من الالف الي الياء ....فماكان قدامي غير العرب المسافرون
كنت أدخل يوميا وأقرأ تقارير الاعضاء وبالاخص تقرير ابو لينا الله يجزاه كل خير
الي ساعدني وسهل علي أشياء كثيره فله كل الشكر والتقدير
نرجع لمحور حديثنا...
موعد رحلتنا كان بشهر سبعه(يوليو) وبعدين تأجل الى شهر 8(أغسطس) وبعدها تأجل الى نهاية
( رمضان) وبعدها عاد غسلت يدي من السفره
وقلت لزوجي خلاص ماأبي أسافر لماليزيا ....كل ماقرب موعد السفر يطلع لنا شي وتتكنسل السفره
وحنا نأجل وبس ....الله مو كاتب لنا نشوفها
ومن جد نسيت السفره مع اننا قاطعين التذاكر وكل شي:112: ....وبعد العيد تقريبا جاني زوجي ويقولي
تراني بسافرللامارات وبقعد أسبوعين (تخيلووشكل وجهي وهو يقولها) :112:شوي وأزنطه
يعني سفرة ماليزيا ماتسهلت وسفرتك للامارات تجي كذا بارده امبرده:36_1_30:
عاد أنا قلت يابنت انشبي بحلقه وسافري معه عاد العوض ولا القطيعه:biggrin:
وأقوله أجل أبسافر معك ...قالي لا؟؟ وهو يضحك(لاحظوو خبث الرجال):36_1_15:
عاد سكت الا وشوي يقولي اصلا باخذك معي بس كان ودي أشوف ردة فعلك:baaa2:المهم جاء موعد السفر وأنا مستانسه لاني بصراحه أموت بالامارات وماأمل منها أبد
طلعنا للبحرين وكانت رحلتنا الساعه 11.5 دقايق مساءاوالمتجهه الى أبوظبي وطبعا عن طريق
الحمد لله أقلعت الطائره في الوقت المحدد لها ... وبصراحه أكثر ماعجبني في الطائره تقسيم الكراسي فيها
كانت على طريقة 2_4_2 :suprise: وبصراحه كنت شايله هم الي بيجلس جنبنا ياهو بينغث :biggrin:
وهذي صوره للطائره من الداخل وتقسيم الكراسي عشان ماتحسبوني قاعده ألعب عليكم
طبعا بالطائره وزعو علينا وجبه خفيفه سندويش مثلج وعصير مثلج بعد:baaa2: وهذي صورته
خلال اربعين دقيقه وصلنا مطار أبوظبي وماشاء الله زحمه عالاخر بس خطفت لكم كم صوره بعد
بعد ماخلصت تصوير عاد أقول لزوجي نبي نروح لدبي على طول وهو يقولي ايه هين
وطبعا أنا مثل الاطرش بالزفه
عاد يقولي اختاري يادبي ياكوالالمبور ؟؟؟؟؟؟؟؟:8888:عاد أنا أقوله خل عنك هالحركات ترا قسم بالله موب وقته
وحلوة المفاجأة من زوجك خليه يكثر من المفاجأت الي زي كذا
سجليني من المتابعين للتقرير
بس لا تتأخري علينا
:36_1_30: