هلا اخوي ،،
الجلابيات فسوق نايف و سوق الوصل وهم ملاصقين لبعض ،، ويقع سوق نايف في بر ديره ممكن تسال اي تاكسي وبيوصلك ،،
انا عن الزعفران فمتواجد في سوق ايضا قريب من سوق نايف في اكثر عن محل يبيع هالامور ،،

شوف اخويه
كل الاسواق متقاربه
سوق نايف وسوق عكاض وسوق مرشد كلهم عدال بعض وفيهم كل شي جلابيات وزعفران ودهن عود وعود وكل شي
وانصحك اخوي اذا بتسير هناك خذ تاكسي لان ماشي مواقف

طيب هل تفتح الاسواق الشعبيه يوم الجمعه الصباح ؟
و اذا ايه الساعه كم؟

والله يوم الجمعه الصبح ام ما اعرف
بس ع فكره اللي انا اعرفه ان هناك اغلب المحلات تكون جمله و ومعظمها ما تفتح الجمعه لو يوم ثاني بيكون ضامن انها فاتحه المحلات في الايام العاديه يفتحون الصبح 9

أختي
بنت الشيخ زايد
انا بسك قريب من برجمان
سوق نايف وسوق مرشد
راح يكونون بعيد وإلا قريب؟؟
وهل يستحقون الزيارة وإلا لا؟؟
يعطيك العافيه وماقصرتي

نويت أرحل
هلا اخوي
ان شاء الله بيكون قريب لك بحدود 10 دقايق ,,, وانا دايماً انصح اللي يسيرون هالسوق يكون بالتكسي افضل لان المواقف بعيده وايد
وهل تستحق الزياره ولا لا؟؟ والله يا اخوي على حسب ذوقك لان هو سوق شعبي ويتوفر فيه البضايع الجمله والمفرق من كل شي واغلبها عطور وزعفران وجلابيات وحتى عطور ومكياج الماركات الاصليه تلقاهم في بعض المحلات هناك وينباعن بالجمله والمفرق وبسعر اقل من المحلات الكبيره
وحتى فيه محل اقمشه هناك مقابل سوق عكاض يبيع اقمشه ايطاليه لمصممين عالمين مثل فالنتينو وارماني وانا اشتريت من عنده بالهبل
انا بصراحه احب هالسوق احب الاسواق الشعبيه

السلام عليكم
اخوي اليزيد الله يعافيك انت بموضوع ثاني قلت انك حجزت المينك مارينا من مكتب بالرياض ياليت الله يعافيك
تعطيني اسم المكتب ورقمه بليز ومشكور اخوي

بنت الشيخ زايد
ثانكس
أكيد راح أروحله إنشاءلله
ومثل ماقلتي
شكله بالتاكسي أحسن

اخي نويت ارحل
خذ كلام اختنا بنت الشيخ زائد
وروح وانت مغمض عيونك
اسال مجرب انا من ليبيا
وفي مارس الماضي كنت بدبي
وبصراحه كلامها عن سوق عكاظ وسوق نايف
ساعدني كثيرا
سير نحو سوق عكاظ
وسيدا الي بابو
علي فكره شو قصه سيدا هل هي كلمه امارتيه