اختى الكريمه ممكن اعرف الغرض من زياره هونج كونج؟

مشكور اخوي على الرد وانا مسافره اكيد سياحه طالعه اول بانكوك بعدين هونج كونج
وتسلم اخوي

اختي بحرينيه لو طالعه اول شي بانكوك فأضل تشوفين خط طيران من بانكوك الى هونج كونج وانتي في تايلند لان ارخص و مو شرط يكون الاماراتية تقدرين تشوفين خطوط طيران تايلند او كاثي باسفيك او اي خط طيران ثاني لو حابه
قبل سنة انا رحت بانكوك و بعدين خذيت على الامارتية من بانكوك الى هونج كونج و هونج كونج الى بانكوك 50 دينار
اذا بتروحين الصين المنطقة شينزين اقرب الى هونج كونج كله ساعه وانتي في الصين عن طريق القطار ومن هناك وانتي في شينزين تقدرين تروحين كوانز او اي منطقة ثانيه في الصين
اذا ناويه تروحين الصين لازم اتسوين التأشيرة دخول حق الصين من البحرين ما تقدرين اتسوينه في بانكوك او هونج كونج ديري بالج هل الشي
انا رحت سفارة الصين في الجفير يوم الثلاثاء الي راح و سئلت البنت الي تشتغل هناك قالت لازم اي شخص بيدخل الصين يسوي التأشيرة من البحرين ما يصير انسوي التأشيرة من تايلند او هونج كونج
اما عن انفلونزا الخنازير فلا تشيلي هم و توكلي على الله حتى البحرين فيه 3 صابوهم هل الشي و الله يشفيهم
انا مسافر يوم السبت هاذي دايركت الى الصين مع ان قبل كان ان اروح بانكوك الاول و بعدين هونج كونج بس تعب و صرف زياده فبطلع من البحرين الى الصين افضل وحتى حق الشراء ارخص
موفقه

هاي
مشكور اخوي بحريني 99 على الرد واذا عندك فكره عن فنادق قريبه من مطاعم عربيه وبأسعار معقوله؟؟
انا لقيت فندق هوليداين ب 60 بدون فطور و87 بالفطور انت شنو تنصحني ؟؟؟
وابغي اسواق رخيصه وفيها ماركات تقليد وين؟؟
وعلى فكره انا رايحه بس هونج كونج 5 ايام
ومشكور ومسامحه على الاطاله

بحرينيه وافتخر
هايات
زين تبين فنادق قريب من المطاعم في بانكوك ولا وين
اذا رايحه ويا الاهل و بانكوك اخذي فندق امبسادور فندق محترم و عائلي و مو غالي كله 17 دينار في اليلة
الفندق هاذا موقعهم
http://www.amtel.co.th/bangkok/index.php
او تقدرين تحجزين عن طريق موقع سياحي و مقرهم في بانكوك وجدا محترمين وانا تعاملت وياهم قبل جم شهر و حتى التاكسي بياخذج من المطار الى الفندق و هاذا موقعهم
http://www.asiativ.com/
اما هونج كونج ما قعدت فيه الصراحه من اوصل هناك على طول اخذ قطار وانا في الصين
اتركي عنج هوليدي ان و هل الخرابيط لان غالي < ==== للحين ماصرفو ال 50 دنيار حق الغلاء ههه
لا تفكري في شي غالي فيه فنادق ممتازه و رااقي و ارخص بعد
شوفي اذا في بانكوك اخذي امباسدور تراه يجنن و حلو و بعيد عن المشاكل و قريب من السوق و المطاعم العربية و الايرانية
الفندق هاذي انا اتعامل معاه من سنة 1998 الى الحين ولا غيرته لان محترم و راقي و فخم و رخيص
انا اليوم خلصت الفيزا و خذيته والحمدالله و يوم السبت هاذي مسافر الى الصين دايركت
ام محلات الملابس اذا عندج محل فلازم تشوفين سوق الجمله اتذكر شفت موضوع اهني بس مو متذكر وين في بانكوك بس تروحينه عن طريق القطار الظاهر
لو في الصين مالج الا كوانزو لان رفجاني عندهم محلات ملابس اطفال و شنط و غيره اشوفهم يروحون الصين المنطقة كوانزو
اذا حابه تسئلين اي شي ثاني انا حاظر لج والاعضاء ان شالله اهني ماراح يقصرون معاج
موفقه

شكرا اخوي بحريني 99
انا رايحه تاريخ 4/8 الى 7/8 بانكوك
وبعدين 7/8 الى 10/8 هونج كونج
بغيت اسكن في فندق الامبسدور في بانكوك لقيت السعر في مكتب سياحي 20 دينار المكتب الثاني 27 دينار والموقع الي عطيتني ما في غرف شاغره
وفي هونج كونج لقيت بس هوليدان 60 دينار اذا تعرف او تسأل رفجانك عن فندق نظيف وقريب من الاسواق؟؟؟؟
وياريت بعد تسألهم عن المطاعم من وين ياكلون؟؟؟
ولك جزيل الشكر

1. 7دولار بيطلع بحريني 17 دينار


2. لما تدخلين موقع امباسدور ضغطي على For room reservation click

بحرينيه وافتخر
هلا اختي بحرينيه
مكتب سياحي قصدج في البحرين ؟؟ و عطوج هل السعر ؟؟
وبعدين راسلتي الموقع ولا بس سويتي بحث و قالج مافي غرف ؟ فيه عندهم ايميل تقدرين تراسلينهم اذا حابه.
واذا تبين تحجزين عن طريق النت ومن فندق امباسدور يعني من موقعهم فتقدرين ترى
تو انا جربت من موقع امباسدور و حطيت العدد الاثنين يعني انتي و يا طفلة و طلع لي السعر بيكون اقل شي السعر حق الغرفة 47 دولار يعني ما بيطلع عليج 17 دينار تقريباً
استخدمي هل الموقع حق سعر العملات
http://www.xe.com/ucc/

7دولار بيطلع بحريني 17 دينار

لما تدخلين موقع امباسدور ضغطي على For room reservation click

حطي الايام الي تبينها يعني من يوم الى هل تاريخ واذا في معاج طفل او عائلة حطي العدد مثلا بيطلع لج الايام و السعر شامل كل شي واذا حابه اتسوين الحجز حطي الاسم و الملومات كامله ولما حجزتي سوي برنت و حطي معاج الورقة لما وصلتي هناك وريهم واذا حابه التاكسي اي لج الى مطار و ياخذج فتقدرين بس بيكون غالي افضل وانتي نزلتي المطار هناك تشوفين تاكسي وماراح بيطلع عليج 500 بات تايلندي
والله اختي هونج كونج ما اقعد في فنادقهم ولا داري عنهم بس تقدرين لما وصلتي بانكوك تحزين من هناك مثلا او تقدرين اتسوين بحث في المنتدى و تلاقين فندق محترم و وزين و رخيص لان 60 دينار غالي تراه وما انصحج فيه.
مطاعم في هونج كونج او فنادق مثل ما قلت لج ما اعرف لكن الصين في كوانزو فيه مطاعم عربية
موفقه ياغالية

شكرا اخوي ما قصرت كفيت ووفيت والله يديم امثالك في هالمنتدى
الله يوفقك

موضوع حلو وسؤال حلو حتى انا اختي طالعه هونج كونج انا وطفل بشهر 7 ومحتاره وماعرف عن البلد امنه ولالا
والاوتيلات احترت فيه جهتين ماعرف شنو احجز فيها جهه المارينا او الجهه الثانيه ماعرف شنو افضل
بس بحثت بموقع بوكينج وحصلت هالاوتيلين احس اسعارهم زينه شوفيهم وعطوني رايكم
The Royal Pacific Hotel & Towers
والثاني
Harbour Plaza Metropolis
ياليتكم تفيدونا الي زارو هونج كونج اختي نفس حالتي معها طفله وهل هو مناسب