1. بسم الله على بركة الله


2. الموقف الأول


3. الموقف الثاني

بسم الله على بركة الله

اخواني من باب تغيير الروتين واضافة جو من المرح والسعادة حبيت اشارك بهالموضوع واتمنى من الجميع انه يدلي بدلوه ويسجل المواقف الطريفة اللي مرت علية سواء هنا او في ماليزيا وابدأ بنفسي واذكر موقفين مروا علي في لحظات حدوث الموقف كنت باصير كذا لكن بعد الموقف صرت كذا عموما ماحصل كالتالي:

الموقف الأول

الموقف الأول صار معي في ماليزيا ثاني يوم لوصولي وكنت ابي اتفلسف على سواق التاكسي الهندي باوريه اني اعرف الديرة زين وعندي معلومات عنها المهم اخوكم في اللغة الانجليزية يطقطق شوي وباقول للهندي اني سائح جاي لديرتكم وتعرفون ان كلمة سائح وكلمة ارهابي بالانجليزي كلها متقاربة المهم اني غلطت وقلت الثانية وماانتبهت واخذت الموضوع عادي لكن شفت الهندي بلم وانقلب وجهه وعرفت السالفة قلت لأم العيال الله يستر لايودينا في داهيه لكن ابشركم عدت الأمور على خير.

الموقف الثاني

الموقف الثاني حصل لي هينا في السعودية في اول ايام الزواج وديت ام العيال تسلم على اهلها عشان بنسافر شهر عسل المهم وانا راجع اخذها من عندهم اخوكم توه عريس وبيسوي فيها رومانسي :36_3_11: :36_3_14:
كنت مشغل اغنية احلام (طبيعي منك يغارون) ومنسجم اخر انسجام ويوم وصلت عند بيت اهلها طفيت المسجل ولفيت الشريط من أول وكنت بأقول لها اني كنت قاعد اٌقول فيك الاغنية اللي بتشتغل الحين المهم جات حرمنا المصون وقلت انا طول الطريق اغني فيك الأغنية اللي بتشتغل الحين واشغل المسجل والمصيبة ان الشريط لف على الوجه الثاني والا الأغنية ( ولاتسوى في عيوني شي ) ووجهي يقلب احمر واصفر واخضر وكل الألوان واطفي المسجل بسرعة واترجاها انها تصفح عني :36_1_42: :36_1_42: :36_1_42: وابشركم عدت الأمور على خير
ارجو ان تكون المواقف نالت اعجابكم وبانتظار مافي جعبتكم
:smile001: