اي نسيت اقول شي
فرضا قلنا لنكاوي 3 ايام
شلون احجز الفندق ليلتين ؟او 3 ليالي
اعذروني بس كل شي علي

هلا بك أم كوكة ولا يهمك
تفضلي اختاري من هذولا البرنامجين واخترت لك فنادق إقتصادية ممتازة على طلبك:
البرنامج الأول:
ليلتين : سلانقور : فندق صن وي لاقون البيرميد
ثلاث ليالي : لنكاوي : فندق برجايا
ثلاث ليالي : بينانج فندق فلامنقو
ست ليالي : كوالا فندق بيكولو ( يوم مخصص لزيارة جنتنق)
البرنامج الثاني :
ليلتين : سلانقور : فندق صن وي لاقون البيرميد
ثلاث ليالي : لنكاوي : فندق برجايا
ليلتين : بينانج فندق فلامنقو
ليلتين : كاميرون هايلاند فندق أكوتاريال
خمس ليالي : كوالا فندق بيكولو ( يوم مخصص لزيارة جنتنق)بالنسبة للحجز :
مثال لنكاوي مثلا لو بتسكني 3 أيام وهم في الفنادق يحسبون بالليالي
يكون تاريخ الوصول فرضاً يوم 10 / 4 وتاريخ الخروج 7 / 4
الليالي تنحسب هكذا : ليلة 5 + ليلة 6 + ليلة 7 = 3 ليالي وهكذا
مع تمنياتي لكم برحلة موفقة إن شاء الله

المغادرون الله جابك
لحظه تحمل غبائي شوي
الحين انا اخترت الثاني بس بيننج باحاول ب رويال بارك قدر الامكان شرايك ؟
الحين انا بقعد فرضا ب لنكاوي 3 ايام
وتاريخ الوصول مثلا 1-4
احسبها على 1-4 لي 3-4؟
يعني لو بحجز طيران داخلي حق كولا او بيننج اي تاريخ احجزه
وممكن تقولي شنو الترتيب
منو اول لي الاخير
تحملي الله يعافيك
وممكن اعرف اسم فندق لنكاوي بالانجليزي
انا كنت حاطه موتيارا شرايك؟
وسلانجور ماحصلته ب بوكنغ شنو اسوي

ام كوكه
ولا يهمك يا أم كوكة
بارك رويال ممتاز جداً جداً بس أنا اخترت لك فندق أقتصادي حسب طلبك
لما تجي تعملي الحجز تكتبي تاريخ الدخول 1 / 4 يعني تاريخ اليوم اللي بتوصلي فيه للفندق
حلو؟
بعدين تكتبين تاريخ الخروج وهو اليوم اللي بتغادري الفندق فيه
بعض المواقع مايطلب تاريخ الخروج لكن يسألك كم ليلة جالس في هذي الحالة تكتبين 3 ليالي وهو يحدد تاريخ الخروج
واضح؟
بالنسبة للتواريخ أعطيني تاريخ سفركم وتاريخ العودة وأنا أكتب لك التفاصيل بالتواريخ للطيران والفنادق
فندق ميتارا مستواه مش ولابد أنا أخترت لك برجايا مستواه أفضل من متيارا
Berjaya
وهذا رابطه في أسياترفل
http://www.asiatravel.com/malaysia/berjayalangkawi/index.html
فندق صن وي لاقون غير موجود في بوكنق حالياً لكن هذا رابطه في أسياترفل
http://www.asiatravel.com/malaysia/sunway_pyramid_tower_hotel/index.html

ماقصرت وجزاك الله الف خير
سفرتي ابيها باذن الله
8-4
وابي الجدول الي فيه الكاميرون

بسم الله الرحمن الرحيم
الجمعة 8 أبريل المغادرة من الكويت من مطار ...... الساعة ........ مساءً
السبت 9 أبريل الوصول إلى ماليزيا مطار كوالالمبور الساعة ........ ظهراً
سلانقور
فندق صن وي برميد
تاريخ الدخول : 9 /4 / 2011
المدة : ليلتين
تاريخ الخروج : 11 /4 / 2011
طيران : كوالا – لنكاوي
تاريخ المغادرة : 11/4/2011لنكاوي
فندق برجايا
تارخ الدخول : 11/4/2011
المدة : 3 ليالي
تاريخ الخروج : 14/4/2011
طيران : لنكاوي – بينانج
تاريخ المغادرة : 14/4/2011بينانج
تاريخ الدخول : 14 /4 / 2011
المدة : ليلتين
تاريخ الخروج : 16 /4 / 2011
باص او تاكسي بينانج – كاميرون هايلاند
تاريخ المغادرة : 16/4/2011كاميرون هايلاند
فندق أوكوتاريال
تاريخ الدخول : 16 /4 / 2011
المدة : ليلتين
تاريخ الخروج : 18 /4 / 2011
باص او تاكسي كاميرون هايلاند - كوالا
تاريخ المغادرة : 18/4/2011كوالا
فندق بيكولو
تاريخ الدخول : 18 /4 / 2011
المدة :خمس ليالي
تاريخ الخروج : 23 /4 / 2011
تاريخ العودة إلى أرض الوطن : 23/4/2011

8 يوم المغادره من الكويت

جزاك الف الف خير
ماقصرت وعساها لميزان اعمالك يارب
سؤال اخير ههه
انا شفت بكولا فندق هذا
Dorsett Regency
اذا سمحت ميزانيتي شرايك فيه؟

جزاك الله خير على دعواتك الطيبة
فندق دورست ريجنسي فندق ممتاز جداً وكثير من الشباب مدحوه
تفضلي هذا تقرير مصور عن الفندق
https://artravelers.com/p/re/320415