- اسعدالله صباحكم/مساكم
- ياخواني مابي اطول عليكم ندخل لصلب الموضوع بسرعه وبترتيب جاهزين ههه
- لكن انا محتار بين كندا واستراليا ونيوزلندا* وذا فيه غيرها تنصحوني فيه
اسلام عليكم ورحمة الله وبركاته
اسعدالله صباحكم/مساكم
ياخواني مابي اطول عليكم ندخل لصلب الموضوع بسرعه وبترتيب جاهزين ههه
اولا اخوكم طالب في جامعة الملك عبدالعزيز المستوى الرابع تخصص اداره عامه مستوى اللغه عندي اذا مهو بالسلب فهو صفر اجيد فقط بعض معاني الكلمات لكن على مستوى اني اقدر اتحدث مع شخص او اتعامل معه للأسف ماقدر لكن الجانب المشرق عندي دافع قوي اني اتعلم اللغه الانجليزيه وراح اتعلمها انشأالله بعد توفق الله عز وجل ثم بمساعدتكم ونصايحكم ياخواني وتاكدوا اني رايح اسددواقارب بين ردودكم ونصايحكم واخذبها بمحمل الجد وان اراأكم سوف تلعب دور كبير في خطتي الدراسيه (من استشارك دخل معك في الذمه)
- _طبعاً انا عازم اني ادرس خارج المملكه الحبيبه والهدف من دراستي علشان اذا خلصت على خير الجامعه يكون معي شهادة لغه اقدر ابحث فيها عن عمل ومثل ماقلت لكم مستوى اللغه عندي صفر لازم ادخل معهد في المملكه حتى اتعلم شي من اللغه او ان المعاهد اللي برا سوف تبدا معي من الصفر يعني راح اقدر امشي معهم اوفيه صعوبه علي وكيف اقدر اعيش بداياتي اليومين الاوائل في بلد غير عربي (من واقع تجربتكم)وهل دراسة الثلاث شهور وسكن مع عائيله كافيه لي لكي اتحدث الانجليزيه بطلاقه واللشخص اللي عنده دافع يتعلم كم تقريباً اسبوع او يوم علشان يقدر يقوم بمتطلباته الاساسيه اليوميه
1_اختيار البلد :افضل الدول لدراسه صراحه انا استبعدت امريكا علشان تعقيدات الفيزا والمطارات وغيرها وبريطانيا مثل ماسمعت من بعض اصدقائي اللي درسو هناك ان عندهم تعصب غير طبيعي وشعب بختصار ثقل دم (كلامهم ويمكن الواقع العكس)
لكن انا محتار بين كندا واستراليا ونيوزلندا* وذا فيه غيرها تنصحوني فيه
طبعاً ابي منكم مقارنه على عدت معايير (اللغه الصحيحه عند الشعب -لكي تعلم لغه بشكل صحيح لبد ان تحتك مع اهل اللغه احسن شعب تقدر تكون معه علاقات وتحتك معهم ويتقبلونك كالسعودي - الاسعار والمواصلات وسهولة متطلبات الحياه اليوميه و الاجواء المناسبه-نسبة العرب والسعوديين خاصه) وغيرها من معايير
2_اختيار المدينه او الولايه: اختيارها على اسس كثيره من ضمنها نظافتها توفر متطلبات الشخص اللي قد يحتاجها خلال 3شهور
3_اختيار المعهد :اهم شي اعتماد الشهاد اللي تحصلها في المملكه طبيعة الدراسه وعدد اطلاب في الفصل وسلاسة دراسته للمبتدي وانشطته
وغير ماذكرت من امور احتاجها انتم اعرف مني فيها و نا حدت 3 نقاط كاتجاهات اساسيه وفيه جزئيات كثيره اجهلها وفي الختام اشكر كل الشكر مقدماًلمن مر على موضوعي وساعدني حتى ولو برفع الموضوع ولاملك لكم من الجزاء الا الدعاء في ظهر الغيب واسف على الاطاله وبنتظاركم دمتوا بود
ماتوقعت بيجلس الموضوع يومين بلا ردود وينكم يشباب محتاج والله خبراتكم في هذا المجال
جاري الانتظار .............