الامارات المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..

نشر في الامارات

سؤال عن سوق التنين الصينى

Demo349

09-11-2022 - 05:38 am

لو سمحتوا ممكن تساعدونى سوق التنين الصينى محلات كل كاشيير لوحده او مثل ايكيا المحاسب واحد؟؟ وبالنسبة للاسعار لو قلنا مثلا طقم كنب كم يكون سعره؟؟ وبالنسبة للسيارات اللى تشيل العفش وين القاها وبكم تودى للسعودية المنطقة الشرقية؟؟دلونى يا اهل الخبرة....

التعليقات (6)

savip

09-11-2022 - 08:14 am

انا زرته هو عباره عن محلات وموسسات وشركات صينيه تعرض منتجاتها بكل قسم شي محدد وبالنسبه للباقي اعتذر اني ما اعرف

ثلجة من جبال الألب

09-11-2022 - 09:15 am

كل محل مستقل بلحاله ويختلف عن أيكيا تماما يعني سوق وفيه محلات وكلآ يحاسب بمحله

Demo349

09-11-2022 - 10:16 am

savipمشكور على الرد
مخلط ملكى ما قصرت على المشاركة
وبالنسبة لنقل العفش ممكن ردود لو سمحتم

حور الإمارات

09-11-2022 - 11:17 am

اخوي بالنسبة للكنب الصيني اسعاره لقيتها من 5000 درهم الى 7000 درهم
مادري اذا فيه ارخص ولا لا
بالنسبة للسيارات اللي تنقل العفش تلاقيها واقفة برا في المواقف هذا اللي لاحظته بس ماعندي علم اذا ممكن ينقلون لك العفش الى السعودية ولا لأ ..

Demo349

09-11-2022 - 12:18 pm

مشكورة اختى حور الامارات ما قصرتى ابى ااثث بيتى من كل شى بس يكون سعره معقول ما ابى اودى المدام لاماكن اسعارها تسلخ الواحد واذا ممكن تدلونى اوانى منزلية بعد

الذيب الشمالي

09-11-2022 - 01:19 pm

(( مسائكم ياسمين دمشقي ))
مشكور شباب على هالمعلومات
اللي مؤكد راح نستفيد منها
ذيب الشمال
أبو قصي