1. السلام عليكم


2. اما لو ودك بمنطقه جميرا عندك ماشاء الله فنادق واجد لاتنعد ولا تنحصى

عالم من الخيال

السلام عليكم

في الحقيقه ما اعرف عن الفندق اللي ذكرته بس لازم تعرف شغله عن دبي وتعرف وين حجزت فندقك
عندك منطقه وسط دبي وتسمى ديرة دبي وعندك خور دبي وعندك بر دبي وكلهم قريبين من بعض تقريبا المنطقه الرابعه هي منطقه جميرا وتبعد عنهم حوالي 25 كم بعيد عن زحمة المدينه فأذا انت حاب تسكن في دبي انصحك بجراند حياة دبي ويقع في منطقه بر دبي

اما لو ودك بمنطقه جميرا عندك ماشاء الله فنادق واجد لاتنعد ولا تنحصى

بما انك حجزت في الفندق خلااص بس بذكر لك بعض الاماكن عندك سيتي سنتر دبي ومركز برجمان ووافي سنتر موجودين في دبي عندك مجمع بن بطوطه ومجمع التنين الصيني على طريق جميرا وعندك مول الاماارات اللي لازم تروحه موجود في جميرا وايضا مجمع ميركاتوا بجميرا
ممكن تخلي ثلاث ايام حق دبي وثلاث ايام حق جميرا اذا بتروح جميرا لازم تروح على مدينه جميرا لا تفوتك وسوق جميرا وشاطىء جميرا وتتعشى في السوق او في احدى فنادق مدينه جميرا وهي ميناء السلام وفندق القصر وجميرا بيتش او برج العرب اذا انت دفيع
عند في جميرا بعد بجانب هالفنادق مكان اسمه وايلد وادي وهي مدينه العاب مائيه يعني لازم تروحها بششورت علشاان تلعب انت وعيالك طبعاا مول الامارات ما يحتاج بعد لازم تمر عليه ماادامك بجميرا وفي بعد بعد مجمع اسمه ميركاتووا حلوو وعاجبني تصميمه والشباب بعد ما يقصروون ان شاء الله بيفيدونك اكثر اذا زهقت من دبي ممكن تروح ابوظبي يوم الصبح وترجع على المغرب كلها 130 كم بس يعني ساعه وحده تزور المارينا موول وفندق قصر الامارات حلوو وتتعشى فيه او اذا ودك بعد تروح مدينه العين بعد المسافه 130 كم وتطلع قمه جبل حفيت تتغدى او تتعشى في الفندق الموجود في قمه جبل حفيت بس صدقني بقول لك شي لانك اول مره ترووح دبي انت حجزت ثماان ليالي طبعا وايد علي دبي اربعه ايام يعني بتملل وبتزهق علشاان كذا انا انصحك ترووح يوم ابوظبي ويوم العين او اذا تقدر تكنسل الحجز وتخلي اربعه ايام بدبي ويومين بأبوظبي واذا بترووح ابوظبي انصحك بفندق روتانا بيتش الملاصق بمول ابوظبي صدقني اربعه ايام واجد وخلى يومين لابوظبي ويومين لمدينه ثانيه وشكرا

شكرا عزيزي على مرورك ومشاركتك وكلامك على العين والراس
وافدتني كثير
لكن انا مصر انها تكون ملها بدبي
وبخلي يوم في ابو ظبي من الصباح للمسا
وننتظر باقي الاخوان معقوله يوم كامل وبس رد واحد

لهالدرجه الصفحه نايمه صار لي 5 ايام

برنامج اخونا مهندس اقطري وايد حلو

أنا سكنت في فندق أرابيان بارك، الفندق يقع في منطقة معزولة اسمها الجداف. لكن لا توجد بقالات قريبة، والتكاسي لا يمرون بجانب الفندق.
الفندق جميل ولكن غرفه ضيقة نوعا ما.

شكرا على المشاركه والبقالات امرها سهل جدا الواحد يقدر ياخذ مقاضيه من اي مجمع او سوبر ماركت وهو راجع
بالنسبه للتكاسي بالعكس تمر لوفرة السياح بالفندق وهذا معروف
ويكفي ان الفندق يوفر سيارات لكزس ومرسيدس ليموزين تستخدمها بأي وقت
تحياتي

هلا بحبايبنا اهل الامارات الغاليه

تسلمين ياليازي
وهذا العشم فيكم ياعيال زايد والله ونعم
وشكرا على هالمواضيع الجميله راح اقراها بالتفصيل ولنا لقاء ^_^ على الاقل يستفيد كل اللي بيسافر
دبي هالفتره من السنه
تحياتي

بختصر لول مادم اني راعية دبي
انا حجزت في فندق اريبيان بارك عشان سعره ناسبني وناس مدحوه لي وش رايكم في هالفندق ؟؟
بالنسبه للفندق عرفته اي واحد بس ماشي فيو والمكان مب حلو
بعدين عطوني برنامج بكل اختصار لي انا وزوجتي لمدة 8 ايام في دبي في فترة العيد ؟؟
^_^ ماعرف
وش هي اهم الفعاليات اللي بتكون في دبي من الفتره من 16 - 23 ديسمبر ؟؟
من موقع دبي الرسمي:
فعاليات القرية العالمية في دبي 2008 تمنح القرية العالمية مهرجان دبي للتسوق طابعاً عالمياً حقيقياً ومفهوماً فريداً يوفر للمقيمين في دبي وزائريها إطلالة على جوانب ثقافية وتراثية لعدد من دول العالم. وبالإضافة للأجنحة المتعددة للدول المشاركة، تضم القرية العالمية العديد من الألعاب التي تتناسب مع مختلف الأعمار وتضفي على الزوار جوا من المتعة والمرح.
تقع القرية العالمية في دبي لاند علي طريق الإمارات، مما يسهل الوصول إليها من كافة إمارات الدولة
التاريخ: 13 ديسمبر 2007 – 1 مارس 2008
الموقع: القرية العالمية- دبي لاند
قرية التراث انا احب هالمكان وايد
اهم وارقى مجمعات دبي اللي تستحق الزياره ؟؟
1- مول الامارات
2 الفيستفال سيتي روعه في هالوقت
3 ميناء السلام
5 اب تون مردف
4 برجمان والباقي السيتي وماركتو وغير عاديين الاهم تسوق بس مب للتمشي