هقدم ليكم رحلتى الاخير لمدينه الفيوم بالصور
هى مدينه صغيره وجميله انا كنت فيها من اسبوعين حبيت اشاركم معايا رحلتى التى استمرت اسبوع
طبعا انا اعجبت باثار الفيوم لان الفيم ليست بحيره قارون وبس وانما فيها هرمان وهما بيبعدوا 8 كيلو عن المدينه
طبعا اولا بالنسبه للاقامه فى الفيوم فى فنادق غاليه وفى فنادق رخصيصه انا ارشح الفنادق التى فى المدينه لانها ليست غاليه وكمان هادئه وجميله
انا كنت فى فندق اسمه المنتزه وسعر الغرفه 100 جنيه
اول مكان انا رحته هو هرم الهواره ( هو مبنى فى عصر الفراعنه فى الاسرات الوسطى ) شكله غريب مختلف عن الاهرام الجيزه وكمان لم يكتشف بعد يعنى لا ستطيع ان تدخل فيه بس عندهما تشاهده تحس بالسحر
وديه صوره غريبه لحجر فى بجانب الهرم يشبه ابو الهول انا سالت المرشد قالى لا ده عادي عوامل طبيعيه بس انا حاسس ان الفراعنه كانوا عاوزين يعملوا ابو الهول بس معرفوش
صوره ثانيه للهرم
بس الذي يعيب هذه الاهرامات عدم الاهتمام والشرطه مش عاوزه تسيبك فى حالك عاوز تعرف انتا بتعمل ايه بالضبط
الهرم التانى اسمه هرم لاهور نفس الشكل بس مكتشف ولا تستطيع ان تدخل بداخله بس المشرشد قال انه قريبا هيفتحوه للزوار
على العموم هو اصغر من الاول وهو جميل ويبعد عن الهرم الاول 8 كيلو
طبعا بالنسبه للدخول هو السعر للمصري مش غالى وبالنسبه للاجنبى 15 جنيه لكل هرم والتاكسى انا اتفقت مع تاكسى يودينى للهرمين 30 جنيه وفعلا
بالنسبه للتاكسى هو سعره 2 جنيه فى اي مشوار داخل المدينه اما خارجها فحسب الاتفاق
ديه صوره بحيره قارون
وهى تبعد 8 كيلو عن الفيوم
احسن شاطى هو الاوبرج وكمان شاطى الجوهره
طبعا الصوره ديه عجبنى ديه مش فوتوشوب ديه حقيقه
باين عليه فندق وغرق
طبعا دخول الشاطى 8 جنيه للفرد ومشروب وده حاجه جميله خالص انتا ممكن تقدع اليوم كله بس بلاش تفكر فى العوم لان المياه مش كويسه كفايه خالص تقعد تتفرج على البحيره
فى كمان العيون والسواقى بس انا للامانه مصورتهمش العيون لانها بعيده خالص عن الفيوم يعنى 60 كيلو بس اي حد يروح للفيوم لازم يشوفها لانها جميله
احسن مطعم فى الفيوم اسمه كلبظ هاها اسم حلو مطعم حلو وسعره جميل ممكن تتعشوا فى مطعم اسمه الشيماء ده كويس بالنسبه للعشاء
اعتقد ان 4 او 5 ايام كفايه على الفيوم لكى تشاهد كل شى فيها وعلى فكره اهل الفيوم مش زي اهل القاهره يعنى بيناموا الليل هاهاها
اتمنى ان تكون الرحله اعجبتكم انتظرونى فى الرحله القادمه ان شاء االله