الاعضاء الأفاضل بمنتدى المسافرون العرب
السلام عليكم ورحمة الله وبركاته
في هذا الموضوع احب اطرح وجهة نظري بعد زيارتي لصنعاء
وانصح فيها من يفكرون بالسفر لها..خاصة الأخوات في قطر..
اللي ما سبق لهم السفر لهناك،واعذروني ان كان الموضوع ملخبط
هذي بعض الصور اللي التقطها بس ما كان عندي وقت اصلا اصور
كنت مشغوله
ما رح ازيد في مدح طيبة وحضارة البلد الرائع وصنعاء جزء لا يتجزأ
من الكيان الحضاري المميز لليمن حفظها الله..
انا اعشق هذا البلد وشاء الله اني اروح هناك وهذا سبب طرحي للموضوع وعشان
عندي سؤال غاية في الاهمية ياليت يجاوبني عليه اي حد عنده الخبرة والفكرة
من فضلكم ،احب اقول ان اكثر شي
يلفت للنظر هي العشوائيه في الطريق من المطار الى وسط العاصمه
مشكلة هذا البلد هي مثل ما قريتها خلال اكثر من موضوع هنا هي عدم الاهتمام
ولا ترى ممكن هذا البلد يتحول الى جنة مذهلة بين البلدان العربية
لكن من خلال سؤالي للصديقات اقدر اقول ان التطور حلو في العاصمة صنعاء
من بداية الألفيه..
والنقاط اللي لازم تحطها اي عائلة في اعتبارها
- هي ان معظم الفنادق في صنعاء بدون تكييف لن الجو ما يحتاج
عدا شوية حر يحصل وقت الظهر بس اللي موجود مراوح عدا انه
في مكيف بالشيراتون.
- الكهرباء تنقطع باستمرار بس الفندق يشغلون المولد على طول.
- انصح اللي مب متعودين على البساطه (بالمعنى) انهم يختارون منطقة حَدة
لأنها ارقى وافضل مكان للسكن فيه يعني لا يتعبون انفسهم بالدواره
- السبب انها قريبه من المطاعم و المحلات الضرورية للأشياء اليوميه ونظافتها بالدرجة الأولى
اعتقد ان صنعاء بحاجه انه يكون فيها مجمعات اكثر بس حال الشعب المادي ما يساعد
على هذا الشيء،وحتى في المجال الترفيهي.
- للأسف الغبار يخلي العبايه تروح فيها يعني لا تاخذين عباية بذاك السعر لنها رح تتبهدل
- الشي المزعج بعد اني لاحظت تأثير التلوث في الهوا
نفس الحاله صارت لي في احد البلدان العربيه مع اني البس الجوارب
كرمكم الله مع هذا القى السواد في القدمين من الغبره والتلوث
ما اقصد انه ما بيتنظف ^_^
بس انا قصدي على العيشه لفتره طويله اكيد بتأثر
تساؤلي في ختام هالموضوع اللي هو للتذكيراكثر منه طرح جديد
اني افكر في القدوم للعيش في صنعاء (طبعا مب بروحي)
برغم ان الاحوال الامنيه ما تطمن
ف ايش تنصحوني يا اخواني؟ اتمنى من اللي عايشين في صنعاء
من مغتربين من اي بلدان عربيه و يمنيين انهم يساعدوني برايهم
ختاما تقبلوا سلامي
اختكم
