السلام عليك ورحمة الله وبركاتة
خط الرحلة اوكي بس المشكلة التوقيت راح يكون في ايام المعرض الي يبداء من 15-4 الي نهاية الشهر كل شي مرتفع في الايام هدي خصوصا الفنادق راح تكون الدبل و المدينة زحمه في اجوانزوا
نصيحه ادا في مجال غيري التوقيت
تحياتي

moh12345
مشكور اخوي بس هذا الشي الوحيد الي تغيره صعب )اذ مو هو تتكنسل الرحله(

هلا اختي ..هل يتوجب أن تنزلوا في طريق العودة هونج كونج ثم ترجعوا بلادكم ؟؟
إن كان الجواب نعم .. فتفادياً لوقت المعرض أن أقترح الآتي..تغيرين العودة تخلينها من شانقهاي تروحين ترانزيت بعدين لهونج كونج وتروحي على الترتيب الآتي:
تروحي هونج كونج أولاً..
ثم تروحي من هونج لشينزن بالقطار الأسهل لكم والأرخص
ثم تروحي لكوانزو وتقعدوا فيها المقسوم كم يوم تبون .. عشان تتفادون وقت المعرض .. الاخوة عامةً يقولون أنه المعرض يرفع أسعار الفنادق والشحن والتذاكر قبل بدايته بيومين .. حاولوا تخلصوا من كوانزو قبل المعرض ..
بعدين تكملي إلى أيوا
ثم إلى هانزو
ثم من هانزو إلى شانغهاي .. وتاخذوها سياحة تراها حلوة المدينة هذي ..
وأخيراً ترجعوا لهونج كونج ومنها لبلادكم بحفظ الله ..

Bu5ale
مشكور اخوي الله يفرج همومك دنيا واخره
ما تتخيل قد ايش كنت مهمومه وحايسه حوس..................
بس بعدما دخلت المنتدى ولقيت ردك انشرح خاطري وحسيت انها محلوله باذن الله .......................
وبعد في مدينه ثانيه من الصين اكتشفها...................
المشكله الحين الميزانيه وشلون؟؟؟؟؟؟؟؟؟؟؟؟؟؟؟ انا شنقهاي ما كانت عندي في الحسبان
تتوقع كم يوم تحتاج وكم ازيد لها في الميزانيه .............

السلام عليكم
سفره سعيده اختي ام لينه
اخ Bu5ale
ياليت تذكر لنا الاماكن السايحيه في شنغهاي والفنادق المفضله والاسعار المولات
في اي شارع يفضل نسكن
ولك جزيل الشكر

ام لينه
إن شاء الله أكون جاوبت على تساؤلاتج .. بخصوص الأماكن السياحية بس أنزل الأوراق ... وشكراً..

الأخت أم لينة والأخت روز50 ..
بالنسبة للسياحة في شانغهاي فهي أكثر منها في كوانزو علماً أن المدينتين تجاريتين ولكل واحد منها مطارها الدولي ولها رونق يميزها ...
أهم ما يميز شانغهاي المتاحف والحدائق والتجول على الساحل لأن لها حدود بحرية عكس نظيرتها كوانزو الي تعتبر مدينة داخلية ...
بالنسبة للأماكن الي تستحق الزيارة فهي موضحه بالورقة الآتية خذتها من أحد الفنادق في شانغهاي.

بالنسبة للتسوق فهو مميز في شانغهاي خصوصاً في شارع نانجنغ رود الليلي .. بالفن المعماري الأوروبي كأنك في أوروبا وهناك بتحصلون وايد وايد مولات وفيه مطاعم فاست فود كنتاكي وغيره ..
بعد على فكرة هذي السنة راح يقام معرض اكسبو العالمي في شانغهاي .. ما شفت أحد تكلم عنه ... ممكن تشوفوا عنوانه في الورقه ..
فيه مولات بعد أخرى في شانغهاي مثل IT Mall وهذا كبير بأكثر عن طابق فيه الي في خاطرك من الالكترونيات وألعاب البلاي ستيشن له طابق مخصص والكاميرات وغيره ..
بالنسبه لعنوانه بتحصلونه في كارت المحل هذا من نفس المركز

بعد كان فيه سوق اسمه Fake Market لكنه أغلق نهائياً بحسب كلام أهل شانغهاي وفيه سوق بديل اسمه Cheap Market كما يسمونه واسمه بالصيني موجود في الصوره الآتيه ..

وأنا سويت خريطة لشانغهاي جمعت فيها أهم الأماكن من حيث التسوق والسياحة والسكن والمطاعم الي ذكروها الأخوة والأخوات في المنتدى إن شاء الله اتفيدكم .. من هنا http://maps.google.com/maps/ms?hl=en&ie=UTF8&oe=UTF8&msa=0&msid=112021959374488652817.000472dc5e33466d8a901 وبعدني أحدث الخرائط مع الوقت إن شاء الله ...
ممكن تشوفين الموضوع الثاني في التوقيع فيه تعليمات كيف تستفيدين من الخريطة...

الف شكر وشكر
الله يعطيك خير الدنيا وا خره ويوفقك ويسدد خطاك
ماتتخيل انا من امس وانا اقرا في التقاريرحقت شنقهاي
مدينه مره حلوه ان شاء الله تامه عليها

بالتوفيق ام لينه وان شاء الله رحله سعيده وعودا حميدا وبانتظارك لتوافينا بالتقرير