السلام عليكم جميعاً
الحقيقة صار لي فترة اخطط لسفرتي لاوروبا من خلال هذا المنتدى الرائع و الاعضاء المتعاونين...
الحقيقة ان نصف الخطة تعتمد على استئجار سيارة من هناك والسفر بها لدول اوروبا...
قررت اخذ السيارة من المانيا نظرا لانها ارخص فحجزت عن طريق يوروب كار ( الرقم المجاني في دبي ) سيارة بي ام دبليو 530 ديزل وما قدرت احجز احسن منها مع ان الفرق بسيط... يعني تخيلوا سعر البي ام الفئة الخامسة 1000 يورو ( اسبوعين ) وسعر المرسيدس اس 350 موديل 2006 يطلع ب 1150 يورو شامل العداد المفتوح والتامين الشامل... بالنسبة للمرسيدس شلتها من راسي لانه قال لازم يكون العمر فوق 27 وانا وصاحبي تونا على هالعمر ولازم ياخذ رقم الفيزا على التلفون ( معصي ) قمت اخذت البي ام لكن تفاجأت بعدين ان من شروطهم ان السائق يكون اكبر من 25 والمشكلة اني اقل من 25 واكبر من 23.... تتوقعون لو اروح لهم بالمطار ممكن يزيدون التأمين علي ويعطوني السيارة او راح يرفضون ويعطوني البي ام 318 اللي حجزتها للي اعمارهم فوق 21
بصراحه الفئة الخامسة اصرف بكثير من علبة الصلصة 318 والمرسيدس احسن منهم كلهم... لكن وش نسوي تونا بزارين بنظرهم :112:...
المشكلة ان صاحبي عمره اكبر من 25 لكنه زول من يوم قلت له نستاجر سيارة ونسوق بانفسها ضاق صدره ما يبي يسوق ويتعب نفسه عشان كذا ايست منه وقلت استاجر انا السيارة باسمي واسوق وخطر على بالي فكرة اني استاجر السيارة اللي ابيها باسمه هو وبعدين اسوقها انا لكن خفت لو لا قدر الله صار شي راح يكون التأمين ملغي نظرا لان السائق ( اندر ايج )
عموما... الاخوان اللي جربوا او اللي عندهم نصيحه معينه او اللي يعرفون مكاتب احسن وتاجر اللي اعمارهم فوق 23 ياليت ما يبخلون علينا...
ترا باب النصيحه مفتوح على مصراعيه لكن لحد يقترح ويقول لا تروح احسن لك عشان ما اسوي كذا :112:
تحياتي وفي انتظار مشورتكم لا عدمناكم...
ترا ان ضبطت اموري وعد لانزل لكم تقرير قبل 20 سبتمبر ان شاء الله واخليكم تدوخون عليه... بس اهم شي ضبطوا اموري بالاول وما راح انساكم بالثاني..
تحياتي