طبعاً جدوالي كتالي :
زيارتي الى ماليزيا تتضمن 4 مناطق
( سيلانجور ) ليلتان
( لنكاوي ) 4 ليالي
( بيننغ ) 4 ليالي
( كوالالمبور ) 4 ليالي
الفنادق :
فندق صن واي لاقون : Sunway Resort Hotel & Sp
موقع الفندق : منتجع صن واي لاقون الشهير
نوع الغرفه : Premier Room
مدة الاقامة : 4-6 ( ليلتان )
فندق لنكاوي : The Westin
موقع الفندق : شواطئ جزيرة لنكاوي
نوع الغرفه :Partial Seaview- مطلة على البحر مع جاكوزي خاص
مدة الاقامة : 6-10 ( 4 ليالي )
فندق بيننغ : Holiday Inn
موقع الفندق : مدينة بيننغ - على الشاطئ
نوع الغرفه : KING BED BALCONY SEA VIEW - اطلالة على البحر مع بلكونه
مدة الاقامة : 10-14 ( 4 ليالي )
فندق كوالالمبور : Prince Hotel & Residence Kuala Lumpur
موقع الفندق : وسط كوالالمبور
نوع الغرفه : Deluxe With Breakfast
مدة الاقامة :14-18 ( 4 ليالي )
طبعاً مدة الرحله اسبوعين
ورئيكم يهمني يا شباب في الجدول للعلم هذي اول سفرة لي بحياتي وماراح تكون الاخيرة بآذن الله

السلام عليكم ورحمة الله وبركاته
الف مبروك وبالتوفيق إن شاء الله
بالنسبه لتقديم مفاجأة الصراحه الأفكار كثير و إن شاء الله الجميع
يعطيك فكره ولكن حاول تكتب في حوجزاتك في كل الفنادق شهر عسل
وبالنسبه للطيران الهيلوكوبتر في لنكاوي اعتقد أغلق المكتب حقهم واراتفعت
أسعاره بشكل خيالي جدا حوالي 10 دقائق فوق 1000 رنقت
فيه ممكن وانتوا طالعين من الفندق واقترح عليك بلنكاوي تكلم الإستقبال
وتقولهم يجهزون الغرفه بالورود والحركات وكيكه صغيره علي رجعتكم
وممكن بعد في لنكاوي تطلب تجهيز طاوله علي الشاطئ للعشاء الخاص
بالنسبه للجدول عندي تعديلين لو فيه مجال
اولا لو تشيل ليله من بينانق وتخليها اخر ليله في الرحله في منطقة بورت ديكسون
منتجع قراند ليكزس غرفه ببركة سباحه خاصه داخل الغرفه وهي منطقه ريفيه تصلح
لليله واحده وهي قريبه من المطار اقل من ساعه و تبعد من كوالالمبور حدود ساعه ونص
والشي الثاني فنادقك فخمه جدا إلا فندق بينانق عادي جدا لو تغيره للراساسايانق او البارك رويال
او القولدن ساندس افضل كثير من البارك رويال عشان تكتمل عندك روعة الفنادق
فندق كوالالمبور ممتاز بس برضه لو فيه مجال تغيره لتريدرز غرفه مطله علي الحديقه والبرجين
رهيب وافضل والسعر قريب من برنس او في شارع العرب الويستن او رويال شولان
ولو جلست علي برنس برضه حلو بس أهم شي فندق بينانق تغيره ويكون مطل علي الشاطئ

حي الله اخوي ZAZAZ
ولله يا الغالي خبرتي انا في ماليزيا للاسف ميح :d
وبنسبه للافكار هذي مفروغ منها العشاء والطاولات الاشياء هذي
بعدين رنقت كم يساوي بسعودي ؟؟
ترى ميزانيتي انا الف ريال منها او الف حجوزات فنادق و الف ابي ادلع فيها زوجتي

السلام عليكم
حياك الله اخوي
ال 1000 رنقت حدود 1245 ريال حسب سعر صرف اليوم
والمكتب أغلق وحرام هالمبلغ علي 10 دقائق
والميزانيه ممتازه تكفي وزياده إن شاء الله
بس 15 الف عشان تدليع مو معقول ههه
الصرفيه اليوميه من اكل وشرب وملاهي تتراوح بين 300 إلي 600 رنقت يوميا
وانتوا 14 يوم من 6 إلي 7 الاف رنقت تقريبا وممكن اقل من غير تسوق
فتزيين الورود وحجز الفنادق الفخمه مثل الويستن هذي تعتبر من انواع التدليع
فلا تبالغ مره الوسط دائما حلو في كل شي
وممكن مع احد الحفلات تقدم هديه جميله تكون مجهزه مسبقا
يعني الحركات كثير جدا بس مو شرط انك تخسر كثير معناه إنك تبسط او تدلع اكثر

يا شباب رايكم في التعديل والجدول

اخوي zazaz
هل فعلا اغلق مكتبهم ؟؟؟ خسارة وربي المشكله اني قايل اني محظر لك مفاجئه هناك حلوة
مو مشكله المبلغ 10 دقايق كافيه لكن فعلا تقفل مكتبهم ؟؟؟

مساء الورد يا غالي
الخبراء ما قصروا بصراحة
أنصحك بتعديل فندق بينانق
وليلة منه تحطها في بورت ديسكون منتجع قراند ليكسس ذو المسبخ الخاص اللي في نفس الشاليه
بالنسبة للمفاجات
1. طلب كيكة من الخطوط اللي راح تسافر فيها ( سويتها أكثر من مرة ع طيران الإتحاد)
2. رحلة الهيلوكبوتر في كوالا
https://artravelers.com/p/re/596856
3. رحلة غروب الشمس الرومانسية في لنكاوي
https://artravelers.com/p/re/444048
4. مطعم لوك أوت وإطلالته الرومانسة في كوالا
https://artravelers.com/p/re/420313
5. لو كنت من هواة المغامرات
ممكن تسوي لها رحلة إلى إيبوه للقيام بمغامرة التجديف
https://artravelers.com/p/re/674261
6. وأكيد ، لا تنسى بوكيهات وحمامات الورد في الفنادق زي ما ذكروا الإخوان.
7. أنصحك بقراءة الأذكار ، وعدم التكلّف وإظهار ذلك أمام الآخرين
( إستعينوا على قضاء حوائجكم بالكتمان )
واللي بينك وبينها خله كذلك
ولا تحاول تخبر الناس ، والأصدقاء ، بل وحتّى الأهل بمثل هذه الحركات
لإنه بصراحة ، العين حق ، والناس مهما صار ، ما ينسلم منها
فنصيحتي لك وأنا أخوك
سوي اللي تبي
لكن خله بينك وبينها
وأكرر
لا تنس قراءة الأوراد صباح مساء
من الآن وحتى آخر يوم في حياتك
والله يديم المحبّة بينك وبين زوجتك
ويرزقكم السعادة دوم
ويتمم أموركم على خير
دمت في حفظ الله ورعايته

فكرة الكيكة في السفر آكيد رآح تتفاجأ زوجتك ورآح آطلبها من الخطوط السعودية