السلام عليكم
خبراء البوابة الصينية
الاخ ابو ضرار وجمال والاخت سارونة والهناء كله والاخوة والاخوات اللي عندهم خبرة بجوانزو وشنزن
سفرتي باذن الله بتاريخ 25/3/2011 على الطيران الصيني الجنوبي ب 1900 درهم تقريبا
بتكون من دبي لجوانزوو مباشرة
مدة الرحلة 8 ليالي و9 ايام
الهدف من الرحلة سياحة وتسوق
اعضاء الرحلة انا والمدام
1- اول ليلتين جوانزو فندق Royal Mediterranean Hotel الليلية تقريبا 330 درهم
من خلال الاطلاع على مواضيع الاعضاء حسيت ان الفندق حلو فقلنا نقعد قيه ليلتين بس ممكن اعرف الاسواق القريبة منه
2- ثاني ليلتين بتكون في شنزن فندق Grand Mercure Oriental Ginza Shenzhen الليلة 585 يوان حجزت عن طريق موقع الفندق بدون ريوق وبدون الضرائب شو رايكم بالفندق وقربه من الاماكن السياحية نافذة العالم وشو تنصحوني اماكن سياحية في شنزن تستحق الزيارة
3- اخر 4 ليالي في نيومينلاند (الهناء كله تنصح فيه وبقوة ) حجزت فيه عن طريق مراسلتهم الليلية 488 يوان تقريبا وطبعا الفندق قريب من عدة اسواق فالحمدالله الامور متيسرة في اخر اربع ليالي
بس جزاكم الله خير ابيكم تساعدوني في اول 4 ايام شو رايكم بالترتيب والفنادق المذكورة والاماكن السياحية اللي تستحق الزيارة
اتمنى اللي عنده خبره لايحرمنا من مشاركته ورايه عسى الله لايحرمه الجنه