ماليزيا المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
وله2005
16-04-2022 - 11:15 pm
اخواني
انا ناوي اروح الصيف لماليزيا وفوكت 14 ليلة والى الأن متردد لان عندي طفل دون 3 عمره وخايف ان الوضع مايناسبه ويناسبني هناك .. لاني صراحة مليت من دبي ومصاريفهاأأأأأأ وحرها ومصر وزحمتها .. وش رايكم ؟ وهل في احد له كانت تجربة يعني عنده اطفال دون الثالثة .
دمتم
وله


التعليقات (8)
مشتاق 2001
مشتاق 2001
حياك الله
بالعكس انا سافرت لعدة مرات ومنها ماليزيا .. ولم تواجهني اي متابع مع اولادي وبنفس العمر
نصيحتي لا تخلي ولدك .. بالعكس انبسطتنا .. لو سافرت لوحد راح يكون بالك مشغول عليه
ولن تنبسط بدونه .. يازينه قدامك وهو يلعب ويضحك .

كيووووت..
كيووووت..
انا اقول لا بالعكس خلوة عند احد من اهلكم ثقة
لانك هناك بترقى جبال وبتقعد عند الشلالت ويمكن بالملاهي ودك تلعب مع المدام فما يصلح يروح الطفل بيتعبكم وهو بيتعب بعد انا سافرت وخليت ولدي صحيح اني كل ماشفت بزر تذكرت ولدي وقمت اخمم بزارين الناس واحببهم بس ان جينا للعقل اريح للبزر ولك ماليزيا بلد استكشاف يبيلك تدخل كهوف يبيلك رحلات بحرية واذا انت تحب المغامرة بتركب الباراشوت انت وزوجتك عاد هنا مايصلح بزران فخذ بنصيحتي ...

فتاة الخليج
فتاة الخليج
وجهة نظري انك تاخذين ابنك معك ارح لخاطرك و حرام راح يسال عنك و رحله موفقه

*(الريم)*
*(الريم)*
لاني صراحة مليت من دبي ومصاريفهاأأأأأأ وحرها
اخوي او اختي انا لي تعليق على هالجمله ...تبي الصراحه المصاريف
والحر للاسف راح تلقاهم في ماليزيا ..هذي للمعلوميه عشان ماتنصدم !!!
اما بالنسبه للاطفال انا اخذت ابني السنه اللي فاتت و عمره في ذاك الوقت
سنه وشوي ..والصراحه وش حليله ماغثني كثر ماغثوني خواته الكبار
الله يصلحهم...

bigbin609
bigbin609
وله2005
نصيحة لا تأخذيهم والله راح تتعبين معاهم حيل مو شويه وبعدها راح تقلب السفره عليج انتي راح تستانسين مو رايح تركضين ورا الاطفال

ثامر2007
ثامر2007
انا اخذت معي بنتي عمرها سنتين واله مرة انبسطت وانا انبسطت لانبساطها واليحن يوم رجعنا يوميا نشغلها فيديو ماليزيا وتقعد تتفرج عليه وهي مستانسة وتقول ماليفيا (ماتنطق الزاي زين) انصحك تاخذهم عموما انا اخذت فكرة عن الخليجيين انهم انانيين ما يحبون ياخذون بزارينهم مادري شلون ينبسطون من غيرهم

نبع الوفا
نبع الوفا
انا اخذت بنتي وكان عمرها وقتها تسة اشهر تقريبا
ماتعبتني كثير بس في بعض المواقف اللي شوي تضايق مثال..
الصبح وانتوا نازلين الفطور وهو بسابع نومه ياتخلونه وبالكم مشغول ياتصحونه ويقوم وهو متضايق
انا كنت اخليها عند اخوها الكبير الله يحفظه
والملاهي ماتقدرون تلعبون اثنيناتكم واحد يلعب والثاني يربي حنا بعد نخليها بعربيتها عند
اخوها ونلعب ونفلها خ مسيكين هالولد تحمل مسؤليه بدري
بس توكلوا على الله وروحوا وخذوه معكم وانتبهوله بالزحمه

بوشهد 123
بوشهد 123
نصيحه منى خذه معاك احسن لك ، بدونه السفر ما يسوى شيء لانه الصغار احيانا يونسون الكبار فتوكل الله وخذ الطفل معاك لانه طول الوقت بالك بيكون مسغول معاه


خصم يصل إلى 25%