sec
08-12-2022 - 06:57 am
مساء الخير
اليوم الصباح تمت مقابلتي في السفارة الامريكية
الموضوع على بعضة ما اخذ 20 دقيقة من استلام الاوراق عند المكتب الخارجي الى اخر مقابلة
شغلهم سريع سريع صراحة ومريح والابتسامات تتوزع يمين ويسار
في المقابلة
اسئلة عادية اسم امك واسم ابوك ويطالع في جهازة
وين تشتغل
وش طبيعة شغلك
واي ولاية بتروح ؟
وسبب الزيارة ؟
واسم الشركة المقدمة للدعوة؟
وسوالف منا ومناك لدرجة جالس يوصف لي حالة الطقس في الوقت اللي بروح فية
وطقطق على جهازة وقال لي فيزتك ابروف
بعد اسبوعين بالكثير راح نرسلها لك
وعطاني ورقة صغيرة صفرا وقال عطها لمكتب فيدكس برا
ودفعت الرسوم للفيدكس ومشيت
سؤالي وش قصة الوان الاوراق اللي تحكون عنها في المنتدى ؟
اصفر وازرق ومدري ايش ؟
سويت بحث في النت وفهمت ان الورقة الصفرا معناتها اوراق ناقصة
والرجال يقول لي مبروك فيزتك برووف وبعد اسبويعن تجيك
وش هذا التناقض ؟
وهل يوم المقابلة لة علاقة بلون الورقة ؟
موعدي كان الاثنين
وشكرا
مادام عطاك كرت وقالك سلمه لفيدكس
مبروك الفيزا مقدما بمشيئه الله
وسفره موفقه